images

कविता

समाजवाद र साम्यवादी ललिपपले बोक्र्याईएका नेपालीहरु

समाजवाद र साम्यवादी ललिपपले बोक्र्याईएका नेपालीहरु

images
  • 4.2K
    SHARES
  • images
    समाजवाद र साम्यवादी ललिपपले बोक्र्याईएका नेपालीहरु

    कविता : समाजवाद र साम्यवादी ललिपपले बोक्र्याईएका नेपालीहरु

    images

    माथिल्लो डोल्पा र 
    उपल्लो कर्णालिका चिसा आँगनमा पोलिदैछन अरे
    समृद्धिको जिउँदा लासहरु
    भ्रस्टाचार र बलात्कारका आला घाउहरु 
    न्यायको चौघटमा लिलाम भएका कानुनहरु
    वर्गीय असमानताका खाडलहरु
    आयातित धर्म संस्कृतिको हुटहुटिले
    चर्किएका
    जातिय र धार्मिक विभेदहरु ।
          
    बाढि-पहिरो पिडित बस्ती माथी हेलिकप्टर घुमाएर ,
    कृषि क्रान्तिको बिजारोपण गर्दै
    मञ्च बनाउन धान खेत र गहुँ बाली फाँडेर
    आश्वासनको पहाडले प्राण थिचुन्जेल सम्म
    बाँढ्दैछन अरे
    एक बित्ता त्रिपाल र केहि पोका चाउचाउहरु ।

    कोरोना कहर कतिलाई बज्रपात
    कतिलाई फलिफाप
    घर-खेत लिलाम हुन पुगेका साना ब्यवसायी 
    महल ठडिएका ठुला ब्यापारीलाई हेर्दै
    अस्सि इन्च उचाई बढाएर
    खिस्स हाँस्दै छ अरे सगरमाथाहरु ।

    अरबौंका हेलिकप्टर पार्किङमा थन्क्याएर
    धुलो धुवाँ र डंढेलोको सार्वजनिक बिदा  खन्याउँदै 
    प्रतिब्यक्ती ५२ हजार सरकारी ॠणको भारिले न्याक्दै
    अरबका गल्ली र मलेसियाको जंगलबाट
    नियाल्दैछन समृद्धिहरु ।

    रगत र पसिना साटेको पैसाले
    कहिले हेर्दैछु
    भारतिय तरकारिको बाटो
    कहिले हेर्दैछु
    बंगलादेशी चामलको बाटो
    आत्मनिर्भर देशलाई परनिर्भर बनाएर
    रेमिटेन्सको लामो लाईन भित्र 
    खोज्दैछु नेपाली माटो ।
     
    मार्क्सवाद,
    लेनिनवाद,
    माओवाद,
    बिपिवाद,
    भण्डारिवाद,
    मोदिवाद,
    ढोगिवाद हेर्दै
    नेताहरुको "म" वाद र
    कार्यकर्ताहरुको "तँ"वाद भित्र
    बिदेशिको हैकमवाद धेरै देखियो
    त्यो भन्दा धेरै
    समाजवाद र साम्यवादी ललिपपले
    बोक्र्याईएका नेपालीहरु 
    धेरै देखियो ।

    ✍️ रामचन्द्र तिम्सिना (आवाज)

    images
  • सम्बन्धित विषय:

  • # रामचन्द्र तिम्सिना

  • सेतोमसी

    सम्बन्धित समाचार

    Copyright © All right reserved to setomasi.com