काठमाडौँ । प्रधानमन्त्री पुष्पकमल दाहाल प्रचण्डले सङ्घीय कानुन निर्माणमा सरकारको प्राथमिकता दिएको बताएका छन् । २९ औँ महानगर दिवसको अवसरमा काठमाडौँ महानगरपालिकाले काठमाडौँमा गरेको कार्यक्रमलाई सम्बोधन गर्दै उनले कानुन निर्माण पश्चात् स्थानीय तह र सङ्घीयता अझै बलियो हुने विश्वास गरे ।
‘सङ्घीय कानुन बनाउन सङ्घीय सरकारले प्राथमिकतामा राखेको छ । कानुन निर्माणपश्चात् स्थानीय तह र सङ्घीयता अझै बलियो हुने विश्वास लिएको छु’, प्रधानमन्त्री प्रचण्डले भने ।
सङ्घीयताको अभ्यासपश्चात् भएको दुई वटा निर्वाचनले सङ्घीय लोकतान्त्रिक गणतन्त्रलाई सबलीकरण गर्न मद्दत गरेको उनले बताए ।
स्थानीय तहलाई अझ प्रभावकारी बनाउन वित्तीय हस्तान्तरण गर्न सरकारले पहल गर्ने आश्वास दिए ।काठमाडौँलाई खुला संग्राहलयको रूपमा विश्वसामु चिनाएको र पर्यटन प्रवर्द्धनबाट नागरिकको जीवनस्तर उकास्न मद्दत गरेको उनले बताए ।
पछिल्लो पटक महानगरपालिकाले गरेको काम आफूले नियाली भन्दै उनले महानगरपालिकाको कामले सङ्घीय सरकारलाई सकारात्मक प्रेरणा दिएको बताए ।
सेतोमसी मिडिया नेटवर्क प्रा. लि.
देवदह-७, रुपन्देही, लुम्बिनी प्रदेश, नेपाल
फोन नं. : +977-71-577088
मोबाइल नं. : +977-9857029586
+977-9857057732
+9779857056296
इ-मेल : setomasimedia@gmail.com
सूचना तथा प्रसारण विभाग दर्ता नं : २२४८/०७७-७८
प्रधान सम्पादक : विष्णु प्रसाद पोखरेल
प्रबन्ध सम्पादक : पूर्णप्रसाद पौडेल (पवन पौडेल)
सम्पादक : टक बहादुर सुनार (टंक सुनार)
Copyright © All right reserved to setomasi.com
Site By: SobizTrend Technology
.gif)