देवदह । देवदह नगरपालिकामा मेलमिलापकर्ता सम्बन्धि पुनर्ताजगी तालिम सुरू गरिएको छ । देवदह नगरपालिकाको न्यायिक समितिको आयोजनामा बुधबारदेखि नगरपालिकाको सभा हलमा तालिम सुरू भएको हो ।
दुईदिनसम्म संचालन हुने तालिमको उद्धाटन कार्यक्रममा बोल्दै नगरप्रमुख ध्रुवप्रसाद खरेलले न्याय निरूपणमा देवदह नगरपालिकाले शत प्रतिशत अंक प्राप्त गरेको बताए । न्याय निरूपण जटिल र संबेदनशील विषय भएकोले पनि न्यायिक समिति र मेलमिलापकर्तालाई उत्कृष्ट कार्य सम्पादनको लागि अनुरोध गरे ।
कार्यक्रममा बोल्दै नगरपालिकाका प्रमुख प्रशासकीय अधिकृत कृष्ण प्रसाद सापकोटाले देवदहको न्यायिक समितिले उत्कृष्ट कार्य सम्पादन गरेको दावी गरे । देवदहले गरेको कार्य अन्य स्थानीय तहले पनि सिक्न लायक रहेको उल्लेख गर्दै उनले तालिमले मेलमिलापकर्तालाई थप उर्जा प्रदान गर्ने बताए ।
नगरपालिकाको न्यायिक समिति संयोजक विद्यालक्ष्मी गुरुङको अध्यक्षता रहेको तालिमको उद्धाटन सत्रमा नगर भित्रका ६६ जना मेलमिलापकर्ता सहभागी रहेको नगरपालिकाले जनाएको छ ।
दुईदिनसम्म संचालन हुने तालिममा पुर्वन्याधिवाक्ता खुमाकान्त पौडेल र सुवर्णप्रसाद ले सहजीकरण गर्ने जनाईएको छ ।
.gif)
सेतोमसी मिडिया नेटवर्क प्रा. लि.
देवदह-७, रुपन्देही, लुम्बिनी प्रदेश, नेपाल
फोन नं. : +977-71-577088
मोबाइल नं. : +977-9857029586
+977-9857057732
+9779857056296
इ-मेल : setomasimedia@gmail.com
सूचना तथा प्रसारण विभाग दर्ता नं : २२४८/०७७-७८
प्रधान सम्पादक : विष्णु प्रसाद पोखरेल
प्रबन्ध सम्पादक : पूर्णप्रसाद पौडेल (पवन पौडेल)
सम्पादक : टक बहादुर सुनार (टंक सुनार)
Copyright © All right reserved to setomasi.com
Site By: SobizTrend Technology
