सेतोमसी सहकर्मी
देवदह । देवदह नगरपालिकामा विद्यालयको आधारभूत तह कक्षा ५ र ८ को परिक्षा सुरू भएको छ । नगरपालिकाका प्रमुख प्रशासकीय अधिकृत कृष्णप्रसाद सापकोटाले आधारभूत तहको परिक्षा बिहिबारदेखि संचालन भएको जनाएका छन् ।
कक्षा ५ को परीक्षा सम्बन्धित विद्यालयमै हुने र कक्षा ८ को परीक्षाको लागि भने नगरभित्रका ७ वटा विद्यालयलाई केन्द्र बनाईएको शिक्षा अधिकृत परशुराम ढकालले सेतोमसीलाई बताए । जसमा जनप्रिय मावि भलुही, देवदह मावि, देवदह बोर्डिंङ्ग स्कुल, देवदह मदरटङ्ग्स एकेडेमी, महामाया भवानी मावि, सेभेन स्टार बोर्डिंङ्ग र प्रगति माविलाई केन्द्र बनाईएको छ ।
कक्षा ८ मा एक हजार ७१६ जना विद्यार्थी सहभागी भएका छन् भने कक्षा ५ का एक हजार ४९४ विद्यार्थी परिक्षामा सहभागी छन् ।
कक्षा ५ र ८ संगै सामुदायिक विद्यालयका अन्य कक्षाका परिक्षा पनि आजैबाट सुरू भएका छन् । संस्थागत विद्यालयको परिक्षा तालिका भने फरक रहेको जनाईएको छ ।
कक्षा ५ र ८ को परिक्षा संचालन र व्यवस्थापनको सम्पूर्ण खर्च नगरपालिकाले व्यहोर्ने र विद्यालयले परिक्षा सम्बन्धि कुनैपनि शुल्क लिन नपाउने नगरपालिकाले जनाएको छ ।
सेतोमसी सहकर्मी
सेतोमसी मिडिया नेटवर्क प्रा. लि.
देवदह-७, रुपन्देही, लुम्बिनी प्रदेश, नेपाल
फोन नं. : +977-71-577088
मोबाइल नं. : +977-9857029586, +977-9857057732
इ-मेल : setomasimedia@gmail.com
सूचना तथा प्रसारण विभाग दर्ता नं : २२४८/०७७-७८
सम्पादक : विष्णु प्रसाद पोखरेल
कार्यकारी सम्पादक : पूर्णप्रसाद पौडेल (पवन पौडेल)
Copyright © All right reserved to setomasi.com
Site By: SobizTrend Technology
.gif)