जो बस्छन् गाउँमा, उसैको स्वास्थ्य बीमा

सेतोमसी सहकर्मी

अ +
अ
अ -

पोखरा । पोखरामा गाउँमा बस्नेको निशुल्क स्वास्थ्य बीमा गरिएको छ । पोखरा महानगरपालिका वडा नं. १३ ले गाउँमा बस्ने नागरिकको निशुल्क स्वास्थ्य बीमा गरेको हो ।

शनिबार वडाले विजयपूर, खामघले, डिगाउँ र पोखरी स्वाराको स्थानीयको स्वास्थ्य बीमा गरेको वडाध्यक्ष किरण बरालले जानकारी दिए । उनका अनुसार गाउँका ४० घर परिवारको एक लाख रुपैयाँ बराबरको स्वास्थ्य बीमा गराइएको हो ।

बीमा गरेसँगै अब गाउँका नागरिकले पोखराको पश्चिमाञ्चल क्षेत्रीय अस्पतालमा निशुल्क स्वास्थ्य परिक्षण गराउन पाउने उनले बताए । आफु भाषणभन्दा पनि काममा विश्वास राख्ने भएकाले वडा १३ का नागरिकको सुख दु:खमा सदैव साथमा रहेको उनले बताए । “भाषण होइन, काममा विश्वास राख्नेगर्छु । शहरका नागरिकले स्वास्थ्य बीमा गराइराख्दा गाउँका नागरिक यसबाट वञ्चित हुनुहुँदैन भन्ने लाग्यो । फलस्वरुप वडाले आज गाउँका स्थानीयको स्वास्थ्यबीमा गराएको हो । आशा छ निशुल्क स्वास्थ्य बीमाबाट नागरिकलाई लाभ मिल्नेछ ।”, उनले भने ।