सेतोमसी सहकर्मी
देवदह । देवदह नगरपालिकाले पूर्ण रूपमा अशक्त भएकाहरूलाई विशेष खालको ह्वील चियर प्रदान गरेको छ । पूर्ण रुपमा अशक्त भएकाहरूलाई सहज होस भनेर नगरपालिकाले विशेष खालको ह्वील चियर प्रदान गरिएको उपप्रमुख विद्यालक्ष्मी गुरुङले जानकारी दिइन् । नगरपालिकाको आर्थिक वर्ष २०८०÷०८१ को बजेटबाट पूर्णरुपमा अशक्त भएकाहरूलाई विशेष किसिमको ह्वील चियर प्रदान गरिएको उनले जानकारी दिइन् ।
पूर्ण रूपमा असक्त भएकाहरूको घरमै पुगेर नगर प्रवक्ता गणेश डुम्रे, देवदह–२, का वडाध्यक्ष दलबहादुर राकासकोटी, ३ का वडाध्यक्ष यज्ञप्रसाद अर्याल, ६ का वडाध्यक्ष खेमबहादुर थापाको रोहवरमा नगरपालिकाका उपप्रमुख विद्यालक्ष्मी गुरुङले ह्वील चियर प्रदान गरेकी थिइन् ।
देवदह नगरपालिका–२, का मित्रप्रसाद अधिकारी, देवदह–३, का दुर्गादेवी पराजुली, देवदह–५, का सृजन रानालाई विशेष खालको ह्वील चियर प्रदान गरिएको नगरपालिकाले जनाएको छ । एउटा ह्वील चियर करिब ३३ हजारमा खरिद गरी पूर्णरुपमा अशक्तहरूलाई प्रदान गरिएको नगरपालिकाको महिला तथा बालबालिका शाखा प्रमुख इन्दिरा भुसालले जानकारी दिइन् ।
फोल्डिङ्ग गर्न मिल्ने, अगाडि पछाडि आफै सार्न मिल्ने र सजिलै बेडमा जान सकिने खालको ह्वील चियर प्रदान गरिएको भुसालले जानकारी दिइन् ।
सेतोमसी सहकर्मी
.gif)
सेतोमसी मिडिया नेटवर्क प्रा. लि.
देवदह-७, रुपन्देही, लुम्बिनी प्रदेश, नेपाल
फोन नं. : +977-71-577088
मोबाइल नं. : +977-9857029586, +977-9857057732
इ-मेल : setomasimedia@gmail.com
सूचना तथा प्रसारण विभाग दर्ता नं : २२४८/०७७-७८
सम्पादक : विष्णु प्रसाद पोखरेल
कार्यकारी सम्पादक : पूर्णप्रसाद पौडेल (पवन पौडेल)
Copyright © All right reserved to setomasi.com
Site By: SobizTrend Technology
