काठमाडौं । नेपाली कांग्रेसका सांसहरूको १५ दिनको तलब रकम बाढीपहिरोपीडितलाई दिने निर्णय गरिएको छ । आइतबार बसेको कांग्रेस संसदीय दलको बैठकबाट यस्तो निर्णय गरिएको हो ।
आइतबारै बिहान बसेको कार्यसम्पादन समिति बैठकले पार्टी कोषबाट ५० लाख रुपैयाँ पीडितको राहतका निम्ति दिने निर्णय गरेको थियो । संसदीय दलका तर्फबाट गरिएको निर्णयसँगै कांग्रेसले पीडितको राहतका निम्ति थप ३० लाख बढी रकम सहयोग गर्ने निर्णय गरेको हो ।
संसदीय दलको बैठकबाट राष्ट्रियसभा र प्रतिनिधिसभा दुवैतर्फका सांसदहरूका १५ दिनको तलब पीडितको राहतका निम्ति दिने निर्णय गरिएको छ । कांग्रेसका राष्ट्रियसभामा १७ र प्रतिनिधिसभामा ८७ सांसद छन् । यी दुवैतर्फका ११४ सांसदका आधा महिनाको तलब पौने ३७ लाख रुपैयाँ हुन्छ ।
कांग्रेसले सरकारलाई उद्धार र राहतमा लाग्न पनि आग्रह गरेको छ । कांग्रेसले संघीय संसद्का सबै सांसदहरूलाई विपद्को घडीमा सहयोग गर्न समेत आह्वान गरेको छ ।
.gif)
सेतोमसी मिडिया नेटवर्क प्रा. लि.
देवदह-७, रुपन्देही, लुम्बिनी प्रदेश, नेपाल
फोन नं. : +977-71-577088
मोबाइल नं. : +977-9857029586, +977-9857057732
इ-मेल : setomasimedia@gmail.com
सूचना तथा प्रसारण विभाग दर्ता नं : २२४८/०७७-७८
सम्पादक : विष्णु प्रसाद पोखरेल
कार्यकारी सम्पादक : पूर्णप्रसाद पौडेल (पवन पौडेल)
Copyright © All right reserved to setomasi.com
Site By: SobizTrend Technology
