राँगोले हानेर पोखराका एकजनाको मृत्यु

सेतोमसी
आश्विन २४, २०८१ बिहिवार

प्रतीकात्मक तस्वीर

अ +
अ
अ -

पोखरा । पोखरामा राँगाले हानेर एकजनाको मृत्यु भएको छ । पोखरा महानगरपालिका ३३ स्थायी घर भएका धनन्जय आचार्यको सुरौदीस्थित भैंसी फारममा राँगोले आक्रमणमा गर्दा मृत्यु भएको हो ।

उनका माइला दाजु आफ्ना जेठानको निधन भएकाले अन्त्येष्ठिमा जादा गोठको घासँ पानी दिन धनञ्जय गएका थिए । धनञ्जय पोखराको बिरौटामा बस्थे ।

राँगोले लखेटेपछि झाडीमा लुकेको भन्दै उनले दिउँसो ४ बजे पत्नीलाई फोन गरेका थिए । ५ बजेपछि उनीसँग फोन सम्पर्क भएको थिएन । राति अबेलासम्म गोठमा नफर्केपछि धनञ्जयको खोजी थालिएको थियो ।

राति १० बजेतिर पोखराबाट दाजुहरु सुरौदी पुगेका थिए । रातभर खोज्दा पनि नभेटिएपछि उनीहरुले प्रहरीलाई खबर गरेका थिए । धनञ्जयको शव गोठभन्दा करिब डेढ घन्टा परको पैदल दुरीमा क्षतिविक्षत अवस्थामा भेटिएको थियो ।

माथिल्लो गरामा मोबाइल फोन, त्यो भन्दा तल कोट र तलतिर उनको शव भेटिएको थियो । उनको शव भेटिएको स्थान स्याङ्जामा पर्छ ।

उनको पोस्टमार्टम गरी अन्त्येष्ठि भइसकेको छ ।