त्रिकोणात्मक ओडीआई सिरिजमा नेपाल अमेरिकासँग पराजित

सेतोमसी
कार्तिक १२, २०८१ सोमवार

त्रिकोणात्मक ओडीआई सिरिजमा नेपाल अमेरिकासँग पराजित

अ +
अ
अ -

काठमाडौँ । आईसीसी विश्वकप लिग–२ अन्तर्गत स्कटल्यान्ड सम्मिलित त्रिकोणात्मक ओडीआई सिरिजको आफ्नो पहिलो खेलमा नेपाल घरेलु टोली अमेरिकासँग ३ विकेटले पराजित भएको छ।

नेपालले दिएको २ सय ८७ रनको लक्ष्य अमेरिकाले २ बल अगावै ७ विकेटको क्षतिमा भेट्टायो।

अमेरिकाको जितमा शयान जहनगिरले १ सय ४ रनको योगदान दिए। उनले ९७ बलमा १२ चौका र ६ छक्का प्रहार गरे।

कप्तान मोनान्क पटेलले ६२ तथा हरमित सिंहले ५७ रनको योगदान गरे ।

नेपालका कुशल भुर्तेलले ६ ओभरमा २३ रन दिएर ४ विकेट लिए। सोमपाल कामीले २ तथा ललित राजवंशीले एक विकेट झारे ।
त्यसअघि अमेरिकाको डालासस्थित ग्रान्ड प्रेरी स्टेडियममा घरेलु टोलीले टस जितेर फिल्डिङ रोजेपछि ब्याटिङ गरेको नेपालले निर्धारित ५० ओभरमा २ सय ८६ रन बनाउँदा अलआउट भयो।

नेपालका कप्तान रोहित पौडेल शतक नजिक पुगेर चुके। उनले ७५ बलमा ८ चौका र ३ छक्काको सहयोगमा सर्वाधिक ९६ रन बनाउँदा बोल्ड आउट हुन पुगे ।

आशिफ शेख ५२ बलमा क्याच आउट भए। उनले ६७ बलमा ७ चौका र १ छक्का प्रहार गरे।

आरिफ शेखले ३७, दिपेन्द्र सिंह ऐरिले १३ र कुशल भुर्तेलले ११ रन थपे। अन्य ब्याटरले दोहोरो अंकको स्कोर छुन सकेनन्। नेपालका तल्लो क्रमका ब्याटर सस्तैमा आउट हुँदा नेपाल विशाल लक्ष्य दिनबाट चुकेको थियो।

सिरिजको दोस्रो नेपालले नेपालले भोलि मंगलबार स्कटल्यान्डसँग खेल्ने तालिका छ।