देवदह । रुपन्देहीको देवदहमा रहेको कोलिय देवदह बचत तथा ऋण सहकारी संस्थाले युवा शेयर सदस्यहरुलाई उत्प्रेरणात्मक तालिम दिएको छ । २० औं स्थापना दिवसको अवसरमा सो तालिम दिइएको सहकारीले जनाएको छ ।
कार्यक्रममा बोल्दै संस्थाका अध्यक्ष ऋषिराम सापकोटाले शेयर सदस्यहरुको संस्थाप्रतिको काम, कर्तव्य र अधिकारका विषय सहित सहकारी शिक्षा प्रदान गर्न तालिमको आयोजना गरिएको बताए । करिब १९ हजार शेयर सदस्य रहेको संस्थाले हाल रुपन्देहीसहित नवलपरासीबाट समेत गरि विभिन्न ९ वटा सेवा केन्द्रबाट सेवा दिदै आएको अध्यक्ष सापकोटाको भनाई छ ।
तालिममा सहकारीका युवा शेयर सदस्य र बाल क्लबका पदाधिकारीहरुसमेत गरि ३५० भन्दा बढी सदस्यहरुको सहभागीता रहेको संस्थाका व्यवस्थापक विनोद पराजुलीले जानकारी दिए ।
कार्यक्रममा प्रशिक्षक डा. तारा प्रसाद गिरीले सहजीकरण गरेका थिए ।
सहकारीले स्थापना दिवसको अवसरमा सोमबार मात्रै ४६ जना जेष्ठ शेयर सदस्यहरुको नि:शुल्क स्वास्थ्य परिक्षण समेत गरिएको थियो ।
संस्थाले मंसिर १२ गते स्थापना दिवसकै अवसरमा वृहत रक्तदान कार्यक्रमको समेत आयोजना गरेको जनाइएको छ ।
सेतोमसी मिडिया नेटवर्क प्रा. लि.
देवदह-७, रुपन्देही, लुम्बिनी प्रदेश, नेपाल
फोन नं. : +977-71-577088
मोबाइल नं. : +977-9857029586, +977-9857057732
इ-मेल : setomasimedia@gmail.com
सूचना तथा प्रसारण विभाग दर्ता नं : २२४८/०७७-७८
सम्पादक : विष्णु प्रसाद पोखरेल
कार्यकारी सम्पादक : पूर्णप्रसाद पौडेल (पवन पौडेल)
Copyright © All right reserved to setomasi.com
Site By: SobizTrend Technology
.gif)