ग्याष्ट्रो सेन्टरले एक वर्षमा गर्यो २ हजार ५ सय ८७ जनाको उपचार

सेतोमसी
मंसिर १६, २०८१ आइतवार

ग्याष्ट्रो सेन्टरले एक वर्षमा गर्यो २ हजार ५ सय ८७ जनाको उपचार

अ +
अ
अ -

बुटवल । बुटवल उपमहानगरपालिका वडा नम्बर ८ तिलोत्तमा पथमा रहेको ग्याष्ट्रो सेन्टर प्रालिले एक वर्षमा २ हजार ५ सय ८७ जनाको उपचार गरेको छ ।

प्रथम वार्षिक उत्सवको अवसरमा बुटवलमा आयोजित पत्रकार सम्मेलनमा प्रालिका अध्यक्ष डा. मोहन भुसालले स्थापनाको पहिलो वर्ष संस्थाको उद्धेश्य अनुसार सफल भएको बताए ।

एक वर्षमा उपचार भएका बिरामीहरु मध्ये ३ सय ५ जनालाई निःशुल्क रुपमा सेवा प्रवाह गरेको अध्यक्ष डा. भुसालको भनाई रहेको छ ।

एक वर्षमा ७५ जना बिरामीमा क्यान्सरसमेत देखिएको प्रालिले जनाएको छ ।

यसको साथै प्रालिले सामाजिक उत्तरदायित्व अभियान अन्तर्गत रुपन्देहीको देवदह, अर्घाखाँचीको शीतगंगा र गुल्मीको भार्सेमा निःशुल्क स्वाथ्य शिविर समेत सञ्चालन गरेको जनाएको छ । प्रालिका अनुसार शिविरबाट १ हजार २ सय ४८ जनाले सेवा लिएका थिए । शिविरमा आएका ९२ जना बिरामीको निःशुल्क रुपमा ईन्डोष्टकपी समेत गरिएको जनाएको छ ।