दक्षिण अफ्रिकालाई हराउँदै भारतले जित्यो महिला विश्व कपको उपाधि

सेतोमसी
माघ २१, २०८१ सोमवार

दक्षिण अफ्रिकालाई हराउँदै भारतले जित्यो महिला विश्व कपको उपाधि

अ +
अ
अ -

काठमाडौं । भारत दोस्रो पटक आइसिसी यु-१९ महिला टि ट्वान्टी विश्व कपको विजेता बनेको छ ।

आइतबार मलेसियाको बायोमास ओभलमा सम्पन्न फाइनलमा दक्षिण अफ्रिकालाई ९ विकेटले हराउँदै भारत दोस्रो पटक विजेता बनेको हो । दक्षिण अफ्रिकाले दिएको ८३ रनको सामान्य लक्ष्य भारतले ११.२ ओभरमा १ विकेट गुमाउँदै पूरा गर्‍यो ।

भारतका लागि अविजित रहेका गोंगडी त्रिशाले सर्वाधिक ४४ रन जोडिन् । उनले ३३ बलमा ८ चौका प्रहार गरिन् । सानिका चल्केले २२ बलमा ४ चौकाको सहयोगमा नट आउट २६ रन बनाइन् ।

दक्षिण अफ्रिकाका लागि कायला रेनेकेले १ विकेट लिइन् । त्यसअघि बायोमास ओभलमा टस जितेर ब्याटिङ रोजेको दक्षिण अफ्रिकाले निर्धारित २० ओभरमा गुमाउँदै ८२ रनमा अल आउट भएको थियो ।

दक्षिण अफ्रिकाका लागि मिकी भान वुर्स्टले सर्वाधिक २३ रन जोडिन् । ओपनर जिम्मा बोथा १६, फे काउलिङ १५ र काराबो मेसो १० रनमा आउट भइन् ।

भारतका लागि गोंगडी त्रिशाले ३, वैष्णवी शर्मा, परुनिका सिसोडिया र आयुषी शुक्लाले समान २ तथा शबनम शाकिलले १ विकेट लिइन् । पहिलो संस्करणमा इङ्ग्ल्याण्डलाई हराउँदै भारत विजेता बनेको थियो ।

यस विश्वकपमा नेपालको पनि सहभागिता रहेको थियो ।