मौसम

यी तीन प्रदेशमा चट्याङसहित वर्षाको सम्भावना

सेतोमसी
चैत्र ७, २०८१ बिहिवार

यी तीन प्रदेशमा चट्याङसहित वर्षाको सम्भावना

अ +
अ
अ -

काठमाडौं । देशभर पश्चिमी वायु र स्थानीय वायुको आंशिक प्रभाव रहेको मौसम पूर्वानुमान महाशाखाले जनाएको छ। अहिले देशका पहाडी भूभागमा आंशिक बदली रहेको छ भने अन्य स्थानमा मौसम मुख्यतः सफा छ।

आज दिउँसो कोशी, गण्डकी र कर्णाली प्रदेशका पहाडी क्षेत्रका एक-दुई स्थानमा चट्याङसहित हल्का वर्षा हुन सक्छ। उच्च पहाडी तथा हिमाली क्षेत्रमा हल्का हिमपातको सम्भावना छ। बाँकी भूभागमा आंशिक बदलीदेखि मौसम सफा रहनेछ।

आज राति पनि पहाडी क्षेत्रको मौसम आंशिक बदली रहनेछ। गण्डकी र कर्णाली प्रदेशका उच्च पहाडी तथा हिमाली क्षेत्रका एक-दुई स्थानमा हल्का हिमपातको सम्भावना रहेको छ।

कोशी, गण्डकी, कर्णाली र सुदूरपश्चिम प्रदेशका पहाडी भूभागमा चट्याङसहित हल्का वर्षा तथा उच्च पहाडी क्षेत्रमा हल्का हिमपात हुने भएकाले जनजीवन, स्वास्थ्य, सडक तथा हवाई यातायातमा आंशिक प्रभाव पर्न सक्नेछ। महाशाखाले आवश्यक सतर्कता अपनाउन अनुरोध गरेको छ।