देवदहमा बाल लोकगीत प्रतियोगिता

सेतोमसी
चैत्र ३१, २०८१ आइतवार

अ +
अ
अ -

देवदह । बालबालिकाको प्रतिभा अभिव्यक्तिको सन्देशसहित देवदहमा बाल लोकगीत प्रतियोगिता सम्पन्न भएको छ। बालमैत्री स्थानीय शासन अन्तरगत बालमैत्री सूचक पूरा गर्न लागि परेको देवदह-६ मा प्रतियोगिता सम्पन्न भएको हो ।

प्रतियोगितामा देवदहका ६ वटा बाल क्लबले सहभागिता जनाएका थिए। प्रतियोगितामा एकता भृकुटी बाल क्लब प्रथम, दाउन्ने बाल क्लब द्वितीय र युगज्योति बाल क्लब तृतीय भए।

विजयी समूहलाई स्टेशनरी सामग्री, मेडल र प्रमाणपत्र प्रदान गरिएको थियो। प्रतियोगितामा सहभागी सबै समूहलाई प्रमाणपत्र वितरण गरिएको छ।

कार्यक्रममा देवदह नगर प्रमुख ध्रुवप्रसाद खरेल, उपप्रमुख विद्यालक्ष्मी गुरुङ लगायतको उपस्थिति रहेको थियो ।

प्रतियोगितामा निर्णायकको भूमिका देवदह आदर्श क्याम्पस प्रमुख जयकिशन अधिकारी, नेपाल बाल संगठन उपाध्यक्ष अन्जु श्रेष्ठ र स्थानीय कलाकार सन्ध्या मल्लले निर्वाह गरेका थिए।

देवदह-६ का वडा अध्यक्ष खेम बहादुर थापा मगरको अध्यक्षता रहेको कार्यक्रमको संचालन बालमैत्री सहजकर्ता बबिता भट्टराईले गरेकी थिइन्।