शिक्षक आन्दोलन

शिक्षामन्त्रीले बोलाएको वार्तामा गएनन् शिक्षक महासंघका प्रतिनिधि

सेतोमसी
बैशाख १२, २०८२ शुक्रवार

शिक्षामन्त्रीले बोलाएको वार्तामा गएनन् शिक्षक महासंघका प्रतिनिधि

अ +
अ
अ -

काठमाडौं । नवनियुक्त शिक्षा, विज्ञान तथा प्रविधिमन्त्री रघुजी पन्तले बोलाएको वार्तामा नेपाल शिक्षक महासंघका प्रतिनिधिहरू मन्त्रालय प्रवेश नगरी फर्किएका छन् । शिक्षामन्त्री पन्तले शिक्षकहरूसँग वार्ता गर्न सिंहदरबार जानका लागि तयारी गरे पनि, महासंघका प्रतिनिधिहरू मन्त्रालयमा प्रवेश नगरी फर्केका हुन्।

शुक्रबार, शिक्षामन्त्री पन्तले शिक्षकहरूलाई लचिलो भएर वार्तामा सहभागी हुन आग्रह गर्दै, अपरान्हमा वार्ता गर्ने तयारी गरिएको जानकारी दिएका थिए। यद्यपि, २५ सदस्यीय वार्ता टोली बनाइएको भन्दै, नेपाल शिक्षक महासंघका अध्यक्ष र अन्य प्रतिनिधिहरू वार्तामा सहभागी हुन आएनन्।

नैतिक हकको आधारमा, महासंघका प्रतिनिधिहरूका अनुसार मन्त्रालयले २५ सदस्यीय टोली बनाएको र उक्त टोलीमा सहभागी हुने अधिकार केवल नेपाल शिक्षक महासंघको रहेको कुरा स्पष्ट पारिएको छ। यस विषयमा महासंघका अध्यक्ष कुमोदकुमार सिंहले भने, “वार्ता टोलीमा को–को सहभागी हुने भन्ने अधिकार हामीसँग छ।”