सुनवलमा पोखरीमा डुबेर भाइको मृत्यु , दाई बेपत्ता

सेतोमसी
बैशाख १९, २०८२ शुक्रवार

सुनवलमा पोखरीमा डुबेर भाइको मृत्यु , दाई बेपत्ता

अ +
अ
अ -

देवदह । नवलपरासीको सुनवल ६ पुलटोलमा पोखरीमा डुबेर एक बालकको ज्यान गएको छ । स्थानीय जनसेवा मावि सुनवलको कक्षा २ मा अध्ययनरत ८ बर्षिय दिप्सन कुँवरको पोखरीमा डुवेर ज्यान गएको हो ।

शुक्रवार विहान १० बर्षिय दाजु विसन कुँवरको साथमा पोखरीमा पौडी खेल्न गएका उनी अपरान्ह मृत भेटिएको इलाका प्रहरी कार्यालय सुनवलका प्रहरी निरिक्षक सन्तोष पौडेलले जानकारी दिए ।

प्रहरी निरिक्षक पौडेलका अनुसार मृतकका दाई विसन समेत यो समाचार तयार पार्दा सम्म सम्पर्कमा आएका छैनन् । ‘स्थानीयले पोखरीमा केहि तैरिएको जस्तो देखेपछि हामीलाई खबर गर्नुभयो र हामी तत्काल आएर हेर्दा शव भेटिएको हो ।’ प्रहरी निरिक्षक पौडेलले भने, ‘हामीले विसनको खोजि कार्य गरिरहेका छौं ।’

स्थानीय विशासय सामुदायिक वन क्षेत्रमा रहेको उक्त पोखरी एक सय आठ पिपलको छेउमा रहेको छ । कुँवर दाजुभाईका लुगा पोखरीको डिलमा भेटिएको समेत प्रहरीले जनाएको छ ।