वामीटक्सारका बैँकहरूमा सर्वसाधारणको घुँइचो

सेतोमसी सहकर्मी

वामीटक्सारका बैँकहरूमा सर्वसाधारणको घुँइचो

अ +
अ
अ -

लोक प्रसाद छन्त्याल, वामी । दशैँ लागे सँगै गुल्मी जिल्लाको वामीटक्सार बजारमा रहेको बैँकहरूमा कतै सामाजिक सुरक्षा भत्ता त कतै नयाँ नोट साट्नेहरुकाे घुँइचो लागेको छ ।

दशैँका मुखैमा सरकारले सामाजिक सुरक्षा भत्ता बैँक खातामा जम्मा गरिदिए पछि जेष्ठ नागरिक शारीरिक, अपांग तथा एकल महिलाहरू सामाजिक सुरक्षा भत्ता लिन मुसीकोट नगरपालिकाकाे केन्द्र वामीटक्सार बजारम रहेको बैँकमा लाम लागेको देख्न पाइन्छ । यसै गरि शिक्षक कर्मचारीहरूले पनि दशैँ पेश्की सहितको तलब दशैँको मुखमा पाउने हुँदा र बैँक कारोबार बाटै तलब निकाश हुने हुँदा पनि बैँकमा खुट्टा राख्ने ठाउँ छैन ।

अत्यधिक भिडभाड भएपछि बैँक कर्मचारीहरुलाई भ्याइ नभ्याई भएको र जेष्ठ नागरिक शारीरिक अपांग र एकल महिलाका लागि बैँक बाहिर सहयाेगिकाे व्यवस्था गरि कागजी काम सक्काउने र काउन्टरबाट चेक साट्ने गरिएको छ । यसेै गरि बेँकहरुमा नयाँ नोट साट्नेहरुकाे पनि उत्तिकै लाईन लागेकाे छ । दशैमा आफन्त जनलाई टीका लगाएर नयाँ नाेट दक्षिणा दिने गरिन्छ । वामीटक्सार गुल्मीको उत्तर पश्चिम क्षेत्रकाे प्रमुख बजारका साथै पश्चिमी बागलुङको पनि बजार भएकाले बजारमा समेत दशैँ किनमेलकाे चहल पहल छ ।

दशैँ नेपाली मात्रकाे महान पर्व भएकाे र यहि पर्वलाई लक्षित गरि सरकातले सामाजिक सुरक्षा भत्ता प्रदान गरेपछि जेष्ठ नागरिक शारिरिक अपाँग तथा एकल महिलालाई दशैँ मान्न सजिलो भएको छ ।