भारत–पाकिस्तान तनाव

भारत–पाकिस्तान तनावको प्रभाव नेपाल–भारत सीमामा, सुरक्षा सतर्कता कडा

सेतोमसी
बैशाख २७, २०८२ शनिवार

भारत–पाकिस्तान तनावको प्रभाव नेपाल–भारत सीमामा, सुरक्षा सतर्कता कडा

अ +
अ
अ -

काठमाडौं । भारत–पाकिस्तानबीचको बढ्दो तनावको असर नेपाल–भारत सीमामा समेत देखिएको छ। प्रहरी प्रधान कार्यालयले नेपाल–भारत सीमामा सुरक्षा सतर्कता बढाउन निर्देशन दिएको छ।

सोही निर्देशनअनुसार भारतसँग जोडिएको सीमामा सुरक्षामा कडाई धनुषामा समेत बढाइएको जिल्ला प्रहरी कार्यालय धनुषाका प्रहरी नायव उपरीक्षक वरुणबहादुर सिंहले बताएका छन्।

सीमामा आवतजावत गर्ने यात्रुको परिचय पत्र प्रमाणीकरण गर्नुका साथै आवतजावतको प्रयोजन र सवारी साधनको समेत रेकर्ड राख्न तदारुकता देखाइएको छ। भारत र पाकिस्तानबीच देखिएको विवादलाई मध्यनजर गर्दै प्रहरी प्रधान कार्यालय र मधेस प्रदेश प्रहरी कार्यालयबाट भएका निर्देशनहरू कार्यान्वयन गरिरहेको सिंहले जानकारी दिएका छन्। सीमामा हुने आवागमनलाई व्यवस्थित र सुरक्षित बनाउन आवश्यक व्यवस्था गरिएको छ।

यसअघि सीमावर्ती भारतीय बजार क्षेत्र वा सीमावर्ती भारतबाट आवतजावत गर्न, अर्थात स्थल मार्गबाट दुवै देशका नागरिक बिना रोकावट आउने-जाने गर्दथे। अहिले भने आउने र जाने प्रयोजन रेकर्ड गरेर मात्रै आवतजावत गर्न दिने व्यवस्था मिलाइएको छ।