मौसम

आज कहाँ कहाँ छ वर्षाको सम्भावना ?

सेतोमसी
बैशाख ३०, २०८२ मंगलवार

फाइल फोटो

अ +
अ
अ -

काठमाडौं । पश्चिमी वायु, स्थानीय वायु र अरब सागरबाट आएको जलवाष्पयुक्त हावाको प्रभावका कारण पहाडी क्षेत्रमा आंशिकदेखि सामान्यतया बदली रहेको छ भने बाँकी क्षेत्रमा मौसम सफा देखि आंशिक बदली रहेको छ।

आज दिउँसो कोशी प्रदेश लगायत देशको पहाडी भूभागमा आंशिकदेखि साधारणतया बदली रहनेछ। बाँकी भूभागमा मुख्यतया सफा देखि आंशिक बदली रहनेछ। कोशी र गण्डकी प्रदेशका पहाडी भूभागका थोरै स्थानहरूमा र अन्य पहाडी भूभागका एक–दुई स्थानमा चट्याङ्गसहित हल्कादेखि मध्यम वर्षाको सम्भावना रहेको छ। उच्च पहाडी तथा हिमाली भूभागका एक–दुई स्थानमा हल्का वर्षासहित हिमपातको सम्भावना पनि रहेको छ।

हिजो देशका केही ठाउँमा भारी वर्षा भएको थियो। विशेषगरी गुल्मी, स्याङ्जा र काभ्रेपलान्चोकका केही क्षेत्रमा वर्षा भएको जल तथा मौसम विज्ञान विभागले जनाएको छ।

कोशी र गण्डकी प्रदेशका पहाडी भूभागमा चट्याङ्गसहित हल्कादेखि मध्यम वर्षाको सम्भावनाले दैनिक जनजीवन, कृषि, स्वास्थ्य, सडक तथा हवाई यातायातमा प्रभाव पार्न सक्ने हुँदा आवश्यक सतर्कता अपनाउन महाशाखाले अनुरोध गरेको छ।