सिनेमा

कान्सको रेड कार्पेटमा उद्योगपति वरुण चौधरी

सेतोमसी
जेठ १२, २०८२ सोमवार

कान्सको रेड कार्पेटमा उद्योगपति वरुण चौधरी

अ +
अ
अ -

फ्रान्स । नेपाली उद्योगपति वरुण चौधरी यस वर्षको कान्स फिल्म फेस्टिभलमा सहभागी भएका छन्। चौधरी ग्रुपका प्रबन्ध निर्देशक तथा एलजी सिने सर्कल अवार्डका संरक्षकसमेत रहेका चौधरीले रेड कार्पेटमा श्रीमती अनुश्री चौधरीको साथमा उपस्थिति जनाए।

कान्सबाट सामाजिक सञ्जालमार्फत उनले आफू केवल उपस्थिति जनाउन नभई उद्देश्यका साथ त्यहाँ पुगेको स्पष्ट पारे। उनले लेखेका छन्, “कान्समा हुनु केवल उपस्थितिको कुरा थिएन, यो उद्देश्यको विषय थियो। कान्स त्यो ठाउँ हो, जहाँ संस्कृति, सिर्जनशीलता र प्रभाव एकत्रित हुन्छन्। यो त्यस्तो मंच हो, जसले हामीलाई सम्झाउँछ कि सशक्त कथाहरूले भविष्य कस्तो हुनेछ भन्ने निर्धारण गर्न सक्छन्।”

नेपाली सिनेमाले दिल र उद्देश्यका साथ विश्वसामु सन्देश दिन सक्ने क्षमता राख्ने उनको भनाइ छ। साथै, चौधरीले नेपाली सिर्जनात्मक क्षमतालाई विश्वमञ्चमा स्थापित गराउन अझ गहिरो प्रयास आवश्यक रहेको धारणा राखेका छन्। नेपाली सिनेमा विश्वसमक्ष बोल्न थाल्दै गर्दा त्यसको निरन्तरताका लागि रणनीतिक उपस्थिति र अन्तर्राष्ट्रिय सहकार्य अपरिहार्य रहेको उनले संकेत गरेका छन्।