विमान दुर्घटना

एयर इन्डियाको विमान दुर्घटना: एक जना सकुशल, २४१ को मृत्यु

सेतोमसी
जेठ ३०, २०८२ शुक्रवार

एयर इन्डियाको विमान दुर्घटना: एक जना सकुशल, २४१ को मृत्यु

अ +
अ
अ -

काठमाडौँ । भारतको अहमदाबादमा विहिबार भएको एयर इन्डियाको यात्रुवाहक विमान दुर्घटनामा २४१ जना यात्रुको मृत्यु भएको छ ।

एयर इन्डियाले विमानमा यात्रा गरेका २४२ जना मध्ये २४१ जनाको मृत्यु भएको जानकारी दिएको हो । जसमा १२ जना विमानका चालक दलका सदस्य रहेका थिए ।

मृत्यु हुनेमा १६९ जना भारतीय, ५२ जना बेलायतका, ७ जना पोर्चुगलका र एक जना क्यानडाका नागरिक रहेको इयर इन्डियाले जानकारी दिएको छ ।

त्यस्तै दुर्घटनामा बचेका एक जना यात्रु भारतीय मुलका बेलायती नागरिक रहेका छन् ।

यस दुर्घटनामा विमानमा रहेका यात्रु बाहेक अन्यको पनि मृत्यु भएको र त्यसको आधिकारिक आंकडा आउन भने बाँकी रहेको छ । विमानले अस्पतालको होस्टेलमा ठक्कर दिएकोले होस्टेलमा रहेका धेरै डाक्टरहरु हताहत भएको बताइएको छ ।

भारतको अहमदावादबाट लण्डनका लागि उडेको एयर इन्डियाको उडान नम्बर एआई-१७१ विहिबार दिउँसो भारतीय समय अनुसार १.३८ बजे उडान भरेको दुई मिनेट पछि नै दुर्घटनाग्रस्त भएको थियो ।