साफ यू-२० महिला फुटबल च्याम्पियनसिप

साफ यू-२० महिला फुटबल च्याम्पियनसिप खेल्ने ३० खेलाडी छनौट

सेतोमसी
आषाढ १, २०८२ आइतवार

साफ यू-२० महिला फुटबल च्याम्पियनसिप खेल्ने ३० खेलाडी छनौट

अ +
अ
अ -

काठमाडौँ । साफ यू-२० महिला फुटबल च्याम्पियनसिपका लागि ३० महिला खेलाडीको घोषणा गरिएको छ ।

राष्ट्रिय यू-२० महिला टोलीका मुख्य प्रशिक्षक यमप्रसाद गुरुङले ३० खेलाडी छानेका हुन् । गुरुङले पहिलो चरणको बन्द शिविर प्रशिक्षणका लागि ४० जना खेलाडी छानेका थिए ।

यू-२० महिला फुटबल खेलाडीमा अनिशा राई, अस्मिता गुरुङ, वर्षा ओली, भावना परियार, बिर्साना चौधरी, गंगा रोकाया, झुमा विश्वकर्मा, जुना तामाङ, कविता गुरिङ, करुण बुढाथोकी, कुसुम खतिवडा, लिला चन्द, लिला जोशी, मनिषा सेन, माया मास्के, मिना देउवा, पुर्णिमा राई, पुनम चेम्जोङ, सजिना स्याङ्तान, समिख्या मगर, सानिमा माया लो, सरिता कुमारी नाथ, सेमिहाङ्मा लिम्बु पण्डक, सेनु परियार, सिमरन राई, सीता रोकाया, सुजाता तामाङ, सुक्रिया मिया, सुशीला केसी र रुपा लिम्बु रहेका छन् ।

आगामी जुलाई ११ देखि २२, २०२५ सम्म टोलीले बंगलादेशमा हुने साफ यू–२० महिला च्याम्पियनसिपमा नेपालले भाग लिदैछ ।

यस प्रतियोगित मा नेपालसहित बंगलादेश, श्रीलंका र भुटानले भाग लिदैछन् । यो प्रतियोगिता डबल राउण्ड रोबिनका आधारमा खेलाईदैछ । हरेक देशले एक अर्काविरुद्ध २-२ पटक खेलेपछि शिर्ष स्थानमा रहने देश विजेता हुने छ ।

यस प्रतियोगितामा नेपालले जुलाई ११ मा भुटानविरुद्ध, जुलाई १३ मा बंगलादेशविरुद्ध, जुलाई १५ मा श्रीलंकाविरुद्ध खेल्ने तालिका छन् । त्यस्तै नेपालले जुलाई १७ मा श्रीलंकाविरुद्ध, जुलाई १९ विरुद्ध भुटान र जुलाई २१ मा बंगलादेशविरुद्ध खेल्ने तालिका रहेको छ ।

यसअघि खेलिएका चारै पटक बंगलादेश विजयी बनेको छ भने नेपाल २०१८ र २०२३ मा उपविजेता बनेको थियो ।