इजरायल–इरान युद्ध :

द्वन्द्व दोस्रो हप्तामा प्रवेश, आक्रमण र प्रतिकार जारी

सेतोमसी
आषाढ ७, २०८२ शनिवार

द्वन्द्व दोस्रो हप्तामा प्रवेश, आक्रमण र प्रतिकार जारी

अ +
अ
अ -

काठमाडौं । इजरायल र इरानबीचको द्वन्द्व दोस्रो हप्तामा प्रवेश गरेको छ । इजरायलले इरानका मिसाइल भण्डारण र प्रक्षेपण केन्द्रमा हवाई आक्रमण तीव्र बनाउँदै आएको छ भने इरानले पनि इजरायली क्षेत्रहरूमा मिसाइल प्रहार गर्दै प्रतिकार जारी राखेको छ ।

अल जजीराका पछिल्ला रिपोर्ट अनुसार इजरायलले तेहरान लगायत इरानका प्रमुख सैन्य तथा आणविक लक्ष्यहरूमा आक्रमण गरेको छ । त्यस्तै, इरानले इजरायली दक्षिणी शहर बीयरशेबामा मिसाइल प्रहार गरी आवासीय क्षेत्रहरूमा क्षति पुर्याएको बताइएको छ ।

संयुक्त राष्ट्र संघका महासचिव एन्तोनियो गुटेरेसले दुवै पक्षलाई संयम अपनाउन आग्रह गरेका छन् भने युरोपेली संघले युद्धको अन्त्य र कूटनीतिक समाधानको लागि पहल गर्न जोड दिएको छ ।

इरानले इजरायलको आक्रमण रोकिएपछि मात्र आणविक वार्ता गर्न तयार रहेको जनाएको छ । तर इजरायलले भने आफ्ना ‘आणविक धम्की’ समाप्त नभएसम्म आक्रमण जारी राख्ने अडान लिएको छ ।