खेलकुद

श्रीलंका र बंगलादेशबीचको पहिलो टेस्ट बराबरी

सेतोमसी
आषाढ ८, २०८२ आइतवार

श्रीलंका र बंगलादेशबीचको पहिलो टेस्ट बराबरी

अ +
अ
अ -

काठमाडौँ । श्रीलंका र बंगलादेश बीचको पहिलो टेस्ट बराबरी भएको छ । बंगलादेशले शनिबार पाँचौं दिन २८५/६ को स्कोरमा दोस्रो इनिङ घोषणा गरेको थियो । त्यसपछि श्रीलंकाले २९६ रनको लक्ष्य पाएको थियो । श्रीलंकाको ४ विकेट गुमाएर ७२ रन बनाएपछि खेल सकिएको थियो र खेल बराबरी भयो ।

गाले टेस्टमा बंगलादेशले टस जितेर पहिले ब्याटिङ गर्ने निर्णय गर्‍यो । टोलीले पहिलो इनिङमा ४९५ रन बनाएको थियो । जवाफमा, श्रीलंकाको टोली पहिलो इनिङमा ४८५ रनमा अलआउट भयो। पाँचौं दिन वर्षाका कारण खेल धेरै पटक रोकिएको थियो ।

श्रीलंकाका अलराउन्डर एन्जेलो म्याथ्यूजले टेस्ट क्रिकेटबाट सन्यास लिए, यो उनको अन्तिम टेस्ट म्याच थियो । सिरिजको दोस्रो खेल जुन २५ मा कोलम्बोमा खेलिनेछ ।

पाँचौं दिन, बंगलादेशले दोस्रो इनिङमा १७७/३ को स्कोरबाट अगाडि खेल्न सुरु गर्यो । यसपछि, टोलीले १०८ रन थप्यो र खाजा पछि २८५/६ को स्कोरमा इनिङ घोषणा गर्‍यो । दोस्रो इनिङमा पनि नजमुल हुसेन शान्तोले १२५ रनको अविजित इनिङ खेले । उनले पहिलो इनिङमा पनि १४८ रन बनाएका थिए । उनलाई प्लेयर अफ द म्याच चुनियो ।