काठमाडौँ । इजरायली सेनाले इरानका धेरै 'सैन्य अड्डाहरू' मा आक्रमण गर्न थालेको बताएको छ । इजरायली सेनाले पश्चिमी इरानका सैन्य अड्डाहरुमा आक्रमण गरेको जानकारी दिएको हो ।
इजरायली सेनाले भनेको छ- ‘इजरायली सेनाले पश्चिमी इरानका धेरै सैन्य अड्डाहरूमा आक्रमण गर्न थालेको छ । आज बिहान, सेनाले इरानी सैनिकहरूलाई पनि आक्रमण गरेको छ जुन इजरायलमा आक्रमण गर्न तयार थिए । केही समय अघि इजरायलतर्फ प्रहार गरिएका क्षेप्यास्त्रहरू पनि तुरुन्तै निष्क्रिय पारिएको छ ।'
अर्कोतर्फ, इरानको सरकारी मिडियाले इरानले बेन गुरियन विमानस्थल सहित इजरायलका धेरै क्षेत्रहरूलाई लक्षित गरेको बताएको छ । यस बाहेक, आक्रमण गरिएका अन्य ठाउँहरूमा इजरायली सेनालाई मद्दत गर्ने केन्द्रहरू, सेनाको कमाण्ड र नियन्त्रण कार्यालय र जैविक अनुसन्धान केन्द्र रहेको उल्लेख छ ।
साथै इस्लामिक रिभोलुसनरी गार्ड कोर्प्सले इजरायलमा यो आक्रमण लामो दूरीको क्षेप्यास्त्रहरूले गरिएको जनाएको छ ।
आइतवार बिहान अमेरिकाले इरानको फोर्डो, नातान्ज र इस्फहान आणविक स्थलहरूमा आक्रमण गरेपछि इरान र इजरायलबीच दोहोरो आक्रमण भएको हो ।
सेतोमसी मिडिया नेटवर्क प्रा. लि.
देवदह-७, रुपन्देही, लुम्बिनी प्रदेश, नेपाल
फोन नं. : +977-71-577088
मोबाइल नं. : +977-9857029586, +977-9857057732
इ-मेल : setomasimedia@gmail.com
सूचना तथा प्रसारण विभाग दर्ता नं : २२४८/०७७-७८
सम्पादक : विष्णु प्रसाद पोखरेल
कार्यकारी सम्पादक : पूर्णप्रसाद पौडेल (पवन पौडेल)
Copyright © All right reserved to setomasi.com
Site By: SobizTrend Technology
.gif)