बजेट

काठमाडौँ महानगरले ल्याउन सकेन बजेट, केन्द्रीय अनुदान रोक्का हुन सक्ने

सेतोमसी
आषाढ ११, २०८२ बुधवार

काठमाडौँ महानगरले ल्याउन सकेन बजेट, केन्द्रीय अनुदान रोक्का हुन सक्ने

अ +
अ
अ -

काठमाडौं । काठमाडौं महानगरपालिकाले अगामी आर्थिक वर्ष २०८२/०८३ को लागि बजेट ल्याउन नसकेपछि मेयर बालेन शाह र उपमेयर सुनिता डंगोलको कार्य क्षमतामा प्रश्न उठेको छ ।

देशभरका अधिकांश पालिकाहरुले आज असार १० गते बजेट ल्याउँदा देशको सबैभन्दा ठूलो महानगरले बजेट ल्याउन नसकेकोमा आलोचना समेत भएको छ ।

काठमाडौंका मेयर बालेन साह र प्रमुख प्रशासकीय अधिकृत सरोज गुरागाईँबीचको विवादका करण आज बजेट आउन नसकेको हो ।

मेयर साहले गुरागाईँ भ्रष्ट रहेकोले अर्कों प्रमुख प्रशासकीय अधिकृत पठाइदिन आग्रह गरेपनि संघीय सरकारले त्यासो नगरे पछि महानगर नेतृत्वले लामो समयदेखि कार्यपालिकाको बैठक समेत बोलाएको छैन ।

अन्तर सरकारी वित्त हस्तान्तरण ऐन २०७४ मा असार १० गते भित्र स्थानीय तहले आगामी आर्थिक बर्षको राजश्व र व्ययको अनुमान सम्बन्धित गाउँ वा नगर सभामा पेश गर्नुपर्ने व्यवस्था रहेको छ । ऐनको परिच्छेद ७ मा यस्तो व्यवस्था गरिएको छ ।

यस ऐनले तोकेको समयमा स्थानीय तहले बजेट नल्याएमा केन्द्र सरकारले उपलब्ध गराउदै आएको अनुदान रोक्का गर्न सक्ने व्यवस्था गरिएको छ ।

बालेनलाई असहयोग गर्दै आएको केपी ओली नेतृत्वको संघीय सरकारले अब काठमाडौं महानगरलाई संघीय सरकारले दिने अनुदान कटौती गर्न सक्ने अनुमान गरिएको छ ।