भारतको कर्नाटकको एक जिल्लामा एक महिनामा २० जनाको हृदयघातबाट मृत्यु भएपछि छानबिनको आदेश

एजेन्सी
आषाढ १७, २०८२ मंगलवार

भारतको कर्नाटकको एक जिल्लामा एक महिनामा २० जनाको हृदयघातबाट मृत्यु भएपछि छानबिनको आदेश

अ +
अ
अ -

काठमाडौँ । भारतको कर्नाटकको हसन जिल्लामा एक महिनामा २० जनाको हृदयघातबाट मृत्यु भएको विषय अहिले चर्चामा रहेको छ । हृदयघातबाट मृत्यु हुनेहरूमा धेरै जसो १८ देखि ४० वर्ष उमेरका युवाहरू समावेश रहेको भारतीय मिडियाहरुले उल्लेख गरेका छन् ।

कर्नाटकका स्वास्थ्यमन्त्री दिनेश गुन्डु रावले यसबारे अनुसन्धानको आदेश दिएका छन् । यो अनुसन्धान जयदेव कार्डियोभास्कुलर साइन्सेस एण्ड रिसर्च इन्स्टिच्युटका निर्देशकको नेतृत्वमा गरिने भएको छ ।

स्वास्थ्यमन्त्री गुन्डुले भने- 'हामीलाई यो थाहा हुने बित्तिकै हामीले अनुसन्धानको आदेश दिएका छौं । हामी जान्न चाहन्छौं कि यसको पछाडिको कारण के हो ?'

उनले भने- 'एक महिनामा हृदयघातबाट धेरैको मृत्यु भएको छ । एउटै जिल्लामा हृदयघातबाट यति धेरै मृत्यु हुनु चिन्ताजनक छ । यी सबै मृत्यु एउटै जिल्ला, हसनमा भएका छन् ।'