एएफसी महिला एसियन कप

नेपालको श्रीलंकाविरुद्ध शानदार ८-० को जित

सेतोमसी
आषाढ १८, २०८२ बुधवार

नेपालको श्रीलंकाविरुद्ध शानदार ८-० को जित

अ +
अ
अ -

काठमाडौं । नेपालले श्रीलंकाविरुद्ध शानदार जित हासिल गरेको छ । उज्बेकिस्तानको तासकेन्तस्थित बुनयोदकोर स्टेडियममा सम्पन्न एएफसी महिला एसियन कप छनोट अन्तर्गतको खेलमा नेपालले श्रीलंकाविरुद्ध ८-० को जित हासिल गरेको हो ।

नेपालका लागि खेलको छैटौं मिनेटमा गीता राणाले हेडमार्फत पहिलो गोल गरेकी थिइन् भने सावित्रा भण्डारी साम्बाले ह्याट्रिक गरेकी थिइन् । साम्बाले खेलको २०औं, ४२औ र ४५औं मिनेटमा गोल गर्दै आफ्नो ह्याट्रिक पुरा गरेकी थिइन् । त्यसपछि खेलको ५४औं मिनेटमा गीता राणाले पेनाल्टीमार्फत गोल गरेकी थिइन् भने खेलको ६२औं मिनेटमा निशा थोकरले हेडमार्फत गोल गरेकी थिइन् । त्यसपछि खेलको ७८औं मिनेटमा रेखा पौडेलले र ८२औं मिनेटमा पुजा रानाले गोल गरेकी थिइन् ।

यस छनौट प्रतियोगितामा नेपालको यो लगातार दोस्रो जित हो । यस अघि आफ्नो पहिलो खेलमा लाओसविरुद्ध ९-० गोल अन्तरको जित निकालेको थियो । त्यस्तै पहिलो खेलमा उज्बेकिस्तानसँग १०-० ले हार बेहोरेको श्रीलंकाले लगातार दोस्रो हार बेहोरेको छ ।