संसद

संघीय संसदका दुबै सदनको बैठक बस्दै

सेतोमसी
आषाढ २४, २०८२ मंगलवार

अ +
अ
अ -

काठमाडौँ । संघीय संसदअन्तर्गत प्रतिनिधि सभा र राष्ट्रिय सभाको बैठक आज बस्दैछ । संघीय संसद सचिवालयका अनुसार प्रतिनिधि सभाको बैठक दिउँसो १ बजे र राष्ट्रिय सभाको बैठक १:१५ बजेबाट सुरु हुनेछ ।

प्रतिनिधि सभाको आजको बैठकमा शिक्षामन्त्री रघुजी पन्तले राष्ट्रिय सभाबाट उत्पत्ति भएको तिलगंगा नेत्र विश्वविद्यालय विधेयक, २०८१ माथि विचार गरियोस् भन्ने प्रस्ताव पेश गर्ने कार्यसूची रहेको छ । त्यसैगरी श्रममन्त्री, उद्योगमन्त्री, खेलकुद मन्त्री र उर्जामन्त्रीले सांसदहरूले सोधेका प्रश्नहरूको जवाफ दिने कार्यक्रम पनि रहेको छ ।

यता राष्ट्रिय सभाको बैठकमा शिक्षामन्त्री पन्तले सांसदहरूका प्रश्नको उत्तर दिने कार्यसूची रहेको छ भने उर्जामन्त्री दीपक खड्काले जलस्रोत विधेयक–२०८१ माथि विचार गरियोस् भन्ने प्रस्ताव पेश गर्ने तयारी गरिएको छ ।