४० किलो गाँजा र एक लाख २५ हजार नगदसहित ५ जना पक्राउ

सेतोमसी
आषाढ २७, २०८२ शुक्रवार

४० किलो गाँजा र एक लाख २५ हजार नगदसहित ५ जना पक्राउ

अ +
अ
अ -

काठमाडौँ । काठमाडौं महानगरपालिका ३२ पाल्पाकोट चोक कोटेश्वरबाट लागु औषध गाँजासहित पाँच जना पक्राउ परेका छन् ।

कोटेश्वरस्थित एक घरको भुइँ तल्लामा डेरा गरी बस्ने धादिङ, गजुरी-४ का ३८ बर्षिय सुमन चेपाङको डेरा कोठाबाट लुकाई छिपाइ राखेको अवस्थामा ४० किलो लागु औषध गाँजा र एक लाख २५ हजारसहित पाँच जनालाई पक्राउ गरिएको

जिल्ला प्रहरी परिसर काठमाडौँले जानकारी दिएको छ । ५ जनालाई नियन्त्रणमा काठमाडौं जिल्ला अदालतबाट सात दिनको म्याद थपर अनुसन्धान भैरहेको परिसरले जानकारी दिएको छ ।

पक्राउ परेका प्रतिवादीहरुमा धादिङ, गजुरी गाउँपालिका-४ का निराजन चेपाङ, प्रकाश चेपाङ, शंकर चेपाङ, काठमाडौं महानगरपालिका-३ महाराजगञ्ज जिवन प्रजा र काठमाडौं महानगरपालिका- ३२ कोटेश्वर बस्ने सुमन चेपाङ रहेका छन् ।

साथै उनीहरुबाट दुई थान मोटरसाइकल, र ३ थान मोबाइल समेत बरामद गरेको प्रहरीले जनाएको छ ।