मनसुनी वायु सक्रिय : बाढी, पहिरो र डुबानको जोखिम

सेतोमसी
श्रावण ३, २०८२ शनिवार

मनसुनी वायु सक्रिय : बाढी, पहिरो र डुबानको जोखिम

अ +
अ
अ -

कोशी, बागमती र कर्णाली प्रदेशका एक-दुई स्थानमा हल्कादेखि मध्यम वर्षा भइरहेको जनाइएको छ । दिउँसोसम्म देशभर आंशिकदेखि साधारण बदली रहने पूर्वानुमान गरिएको छ भने कोशी, बागमती, गण्डकी र सुदूरपश्चिम प्रदेशका साथै अन्य प्रदेशका पहाडी भागमा समेत मेघगर्जन र चट्याङसहित हल्का देखि मध्यम वर्षा हुने सम्भावना रहेको छ ।

यस्तै, उच्च पहाडी तथा हिमाली भू-भागका केही स्थानमा हल्कादेखि मध्यम वर्षा र हिमपातको सम्भावना पनि रहेको छ ।

महाशाखाले आगामी २४ घण्टाभित्र सम्भावित वर्षाले भू-क्षय, बाढी, पहिरो र गेग्रान बहावको जोखिम उच्च रहेको जनाएको छ । यसका कारण शहरी र तराई क्षेत्रमा डुबानको सम्भावना देखिएको छ भने साना ठूला नदी, खोलानाला र तटीय क्षेत्रमा पानीको सतह बढ्ने चेतावनी दिइएको छ ।

यसले दैनिक जनजीवन मात्र नभई कृषि, स्वास्थ्य, पर्यटन, निर्माण कार्य, सडक तथा हवाई यातायातमा समेत असर पार्न सक्ने देखिएकोले सर्वसाधारण र सरोकारवाला निकायलाई विशेष सतर्कता र पूर्वतयारी अपनाउन आग्रह गरिएको छ ।