छूटे दुर्गा प्रसाई

दुर्गा प्रसाईलाई राजावादी आन्दोलन र बैंकिङ कसुर दुबै मुद्धामा धरौटीमा छाड्न आदेश

सेतोमसी
श्रावण १९, २०८२ सोमवार

दुर्गा प्रसाईलाई राजावादी आन्दोलन र बैंकिङ कसुर दुबै मुद्धामा धरौटीमा छाड्न आदेश

अ +
अ
अ -

काठमाडौँ । दुर्गा प्रसाईलाई उच्च अदालत पाटनले धरौटीमा रिहा गर्न आदेश दिएको छ । उच्च अदालत, पाटनका न्यायाधीश सुदर्शनदेव भट्ट र मुनेन्द्रप्रसाद अवस्थीको इजलासले बैंकिङ कसुरमा धरौटीमा छाड्न आदेश दिएको हो ।

प्रसाईलाई बैंकिङ कसुरमा २५ लाख रुपैयाँ धरौटी माग गरिएको छ । उनी तत्काल निर्दोष रहेछन् भन्ने भन्न नसकिने भए पनि क्यान्सर रोगबाट पीडित रहेको विषयलाई समेत मध्यनजर गर्दै अदालतले धरौटीमा छाड्ने आदेश दिएको हो ।

त्यस्तै उच्च अदालत, पाटनले आजै उनलाई चैत १५ मा भएको हिंसात्मक प्रदर्शनसँग सम्बन्धित मुद्दामा समेत तीन लाख धरौटीमा छाड्न आदेश दिएको छ । न्यायाधीश टंकप्रसाद गुरुङ्ग र डिल्लीरत्न श्रेष्ठको इजलासले राज्यविरुद्धको कसुर, कर्तव्य ज्यान, ज्यान मार्ने उद्योग र आपराधिक उपद्रवको मुद्धामा धरौटीमा छोड्न आदेश दिएको हो ।