काठमाडौँ । नेपालले टप इन्ड टी-२० सिरिजमा खराब शुरुवात गएको छ । सिरिजको पहिलो खेलमा एनटी स्ट्राइकसँग ४२ रनले हार बेहोर्दै नेपालले प्रतियोगितामा खराब शुरुवात गरेको हो ।
एनटी स्ट्राइकले दिएको १७८ रनको लक्ष्य पछाएको नेपालले २० ओभरमा ८ विकेट गुमाउदै १३५ रन बनाएको थियो ।
नेपालका लागि कुशल मल्लले सर्बाधिक ३४ रन बनाए भने गुलशन झाले २६, कप्तान रोहित पौडेलले २३, दिपेन्द्र सिंह ऐरीले १९ रन बनाएका थिए । त्यस्तै आसिफ सेखले ११, कुशल भुर्तेलले ८ रन बनाएका थिए ।
त्यस्तै एनटी स्ट्राइकका बलर माट हामोन्डले ३ विकेट लिए भने केन रिचार्डसन र टम एनड्रयुजले २-२ विकेट लिएका थिए ।
यस अघि टस हारेर पहिला ब्याटिंग गरेको एनटी स्ट्राइकले २० ओभरमा ८ विकेट गुमाउदै १७७ रन बनाएको थियो ।
एनटी स्ट्राइकका लागि डी आर्सी सर्टले सर्बाधिक ५१ रन बनाएका थिए भने टम आन्ड्रुजले ३२, जोर्डन सिल्कले १९ र कोन्नर कारोलले १८ रन बनाएका थिए ।
त्यस्तै नेपाली बलर सन्दीप लामिछानेले ३ विकेट लिएका थिए भने शहाब आलमले २, रुपेश सिंह, दिपेन्द्र सिंह ऐरी, गुलशन कुमार झा र एक एक विकेट लिएका थिए ।
नेपालले अब शनिबार बंगलादेश ए सँग खेल्ने तालिका रहेको छ ।
सेतोमसी मिडिया नेटवर्क प्रा. लि.
देवदह-७, रुपन्देही, लुम्बिनी प्रदेश, नेपाल
फोन नं. : +977-71-577088
मोबाइल नं. : +977-9857029586, +977-9857057732
इ-मेल : setomasimedia@gmail.com
सूचना तथा प्रसारण विभाग दर्ता नं : २२४८/०७७-७८
सम्पादक : विष्णु प्रसाद पोखरेल
कार्यकारी सम्पादक : पूर्णप्रसाद पौडेल (पवन पौडेल)
Copyright © All right reserved to setomasi.com
Site By: SobizTrend Technology
.gif)