मौसम

मनसुन कमजोर भए पनि देशभर बदली, धेरै ठाउँमा वर्षाको सम्भावना

सेतोमसी
भाद्र १, २०८२ आइतवार

मनसुन कमजोर भए पनि देशभर बदली, धेरै ठाउँमा वर्षाको सम्भावना

अ +
अ
अ -

काठमाडौँ । मौसम पूर्वानुमान महाशाखाले नेपालमा मनसुन हाल केही कमजोर अवस्थामा रहेको जानकारी दिएको छ । महाशाखाका अनुसार मनसुनको न्यून चापीय रेखा सरदर स्थानभन्दा दक्षिणतर्फ सरिरहेकाले यसको सक्रियता घटेको हो । तर, बंगालको खाडीबाट जलवाष्पयुक्त हावा भित्रिरहेकाले वर्षाको प्रभाव भने कायम रहने अनुमान गरिएको छ ।

हाल देशभर सामान्यतया बदली रहेको छ । कोशी, बागमती, गण्डकी र लुम्बिनी प्रदेशका केही स्थानमा तथा सुदूरपश्चिम र कर्णाली प्रदेशका पहाडी भूभागमा मध्यम वर्षा भइरहेको महाशाखाले जनाएको छ ।

आज दिउँसो पनि देशभर सामान्यतया बदली रहनेछ । मधेश प्रदेशसहित कोशी, लुम्बिनी र सुदूरपश्चिम प्रदेशको तराई तथा पहाडी भूभागमा वर्षा हुने सम्भावना छ । साथै अन्य प्रदेशका पहाडी भागमा समेत वर्षा हुने अनुमान गरिएको छ ।