न्यू नमूनामा सकारात्मक अभिभावकत्व विकास तालिम

सेतोमसी
भाद्र २, २०८२ सोमवार

न्यू नमूनामा सकारात्मक अभिभावकत्व विकास तालिम

अ +
अ
अ -

देवदह । न्यू नमूना इंलिश बोर्डिंङ्ग स्कुलमा सकारात्मक अभिभावकत्व विकास तालिम सम्पन्न भएको छ । सोमवार विद्यालयमा आयोजित तालिममा मानव सेवा आश्रमका संस्थापक रामजी अधिकारीले अभिभावकहरुलाई असल अभिभावकत्व विकासबारे प्रशिक्षित गरे ।

प्रशिक्षणको औपचारिक कार्यक्रममा बोल्दै देवदह नगरपालिकाका पुर्व नगर प्रमुख हिरा बहादुर खत्रीले सकारात्मक उर्जा अत्यावश्यक रहेको बताए । गुनासो र असफलताका अध्यायको अन्त्य गरी सकारात्मक सोच र मानवीय भावनाको विकास गर्नुपर्नेमा उनले जोड दिए ।

सो अवसरमा प्रशिक्षक अधिकारीले असल विद्यार्थीको आधार असल अभिभावक भएको विचार व्यक्त गर्दै विभिन्न उत्प्रेरक सामग्रीहरु प्रस्तुत गरेका थिए ।

विद्यालयका प्राचार्य सिवि थापाले विद्यार्थीहरुको क्षमता विकास र उनीहरुमा सकारात्मक भावनाको विकासमा विद्यालयले काम गरिरहेको भएपनि अभिभावकको भूमिका समेत उत्तिकै महत्वपूर्ण हुने विचार व्यक्त गरे ।