एएफसी वुम्नस क्लब च्याम्पियन्स लिग

एपीएफ क्लबका महिला फुटबल खेलाडीहरुको विदाई

सेतोमसी
भाद्र ५, २०८२ बिहिवार

एपीएफ क्लबका महिला फुटबल खेलाडीहरुको विदाई

अ +
अ
अ -

काठमाडौँ । एपीएफ क्लबका महिला फुटबल खेलाडीको सशस्त्र प्रहरी महानिरीक्षक राजु अर्यालले एक कार्यक्रमका बीच बिदाई गरेका छ ।

एशियन फुटबल फेडेरेसनको आयोजनामा यहि भाद्र ९ देखि १५ गते (अगस्ट २५ देखि ३१) सम्म उज्वेकिस्तानको कर्सी शहरमा संचालन हुने एएफसी वुम्नस क्लब च्याम्पियन्स लिग अन्तर्गतको खेलमा सहभागी हुन जान लागेका नेपाल एपीएफ क्लबका महिला फुटबल खेलाडीहरु तथा प्रशिक्षक एवं अफिसियलहरुलाई महानिरीक्षक अर्यालले बिदाई गरेका हुन् ।

सशस्त्र प्रहरी बल नेपाल प्रधान कार्यालयमा महानिरीक्षक अर्यालले खेलाडी, प्रशिक्षक एवं अफिसियलहरुलाई विदाई गर्नुकासाथै खेलाडीहरुले मैले किन जित्न नसक्ने भन्ने भावनाकासाथ मन र दिमाग लगाई जित्ने प्रयासकासाथ खेल्नुपर्ने बताए । साथै खेल संगठनको मात्र नभई राष्ट्रको गौरवको कुरा भएकोले खेलाडीहरुले अनुशासित भई खेल्नुपर्ने तथा यसलाई महत्वपूर्ण अवसरको रुपमा लिनुपर्ने समेत बताए ।