मौसम

देशभर मनसुन सक्रिय, तीन प्रदेशमा भारी वर्षाको सम्भावना

सेतोमसी
भाद्र ८, २०८२ आइतवार

देशभर मनसुन सक्रिय, तीन प्रदेशमा भारी वर्षाको सम्भावना

अ +
अ
अ -

काठमाडौँ । मौसम पूर्वानुमान महाशाखाका अनुसार हाल मनसुनको न्यून चापीय रेखा सरदर स्थानको आसपासमा अवस्थित छ । बंगालको खाडीबाट जलवाष्पयुक्त हावाको प्रभाव रहँदा मनसुन गतिविधि केही बढेको देखिएको छ ।

हाल देशका पहाडी भू-भागमा साधारण बदली छ भने अन्य भू-भागमा आंशिक बदली छ । बागमती प्रदेशका थोरै स्थान, गण्डकी र कर्णाली प्रदेशका पहाडी क्षेत्रमा हल्का वर्षा भइरहेको महाशाखाले जनाएको छ ।

आज दिउँसो देशभर सामान्य बदली रहनेछ । बागमती, गण्डकी, कर्णाली र सुदुरपश्चिमका पहाडी भू-भागका केही स्थान र तराईका थोरै स्थानमा मध्यम वर्षा हुने सम्भावना छ । बागमती, गण्डकी र कर्णालीका पहाडी क्षेत्रमा एक–दुई स्थानमा भारी वर्षा हुनसक्ने पूर्वानुमान गरिएको छ । मधेश, कोशी र लुम्बिनीका तराई भू-भागमा हावाहुरी चल्ने सम्भावना पनि छ ।

महाशाखाले बागमती, गण्डकी र कर्णालीका पहाडी क्षेत्रमा भारी वर्षा हुने सम्भावना रहेकाले दैनिक जनजीवन, स्वास्थ्य, सडक र हवाई यातायात प्रभावित हुनसक्ने चेतावनी दिएको छ । सतर्क रहन र पछिल्ला मौसमी विवरण नियमित रुपमा लिन महाशाखाले सर्वसाधारण र सरोकारवालालाई आग्रह गरेको छ ।