साफ यू–१७ महिला च्याम्पियनसिप

साफ यू–१७ महिला च्याम्पियनसिपमा नेपालले आज भारतसँग खेल्दै

सेतोमसी
भाद्र १३, २०८२ शुक्रवार

साफ यू–१७ महिला च्याम्पियनसिपमा नेपालले आज भारतसँग खेल्दै

अ +
अ
अ -

काठमाडौं । साफ यू–१७ महिला च्याम्पियनसिप अन्तर्गत नेपालले आज भारतसँग खेल्दैछ । थिम्पुस्थित चाङ्लिमिथाङ रंगशालामा हुने यो खेल नेपाली समय अनुसार दिउसो ५: ४५ बजेदेखि शुरु हुदैछ ।

यसअघि नेपालले खेलेको पहिलो खेलमा भारतसँग ७-० को हार बेहोरेको थियो भने दोस्रो खेलमा भुटानसँग २-१ को जित हासिल गरेको थियो । त्यस्तै तेस्रो खेलमा नेपाल बंगलादेशसँग ३-० गोलले हारेको थियो भने चौथो खेलमा बंगलादेशसँग ४-१ गोल अन्तरले हारेको थियो ।

त्यस्तै भारतले भने लगातार ४ खेलमा जित हासिल गरेको छ । भारतले पहिलो खेलमा नेपाललाई ७-० ले, दोस्रो खेलमा बंगलादेशलाई २-० ले, तेस्रो खेलमा भुटानलाई ८-० ले र चौथो खेलमा भुटानलाई ५-० ले पराजित गरेको थियो ।

अगस्त ३१ सम्म हुने साफ यू–१७ महिला च्याम्पियनसिपमा नेपालसहित भारत, बंगलादेश, भुटान गरी चार देशले भाग लिएकाछन् । डबल राउण्ड-रोबिनका आधारमा हुने प्रतिस्पर्धामा प्रत्येक टोलीले दुई-दुई खेल खेल्नेछन् भने शीर्ष स्थानमा रहने टोली च्याम्पियन बन्नेछ । नेपालले यस प्रतियोगितामा अब अर्को खेल अगस्त ३१ मा भुटानसँग खेल्ने तालिका रहेको छ ।

नेपाली खेलाडी

गोलकिपर: झरना दुमराकोटी, लक्ष्मी ओली र गङ्गा गुरुङ ।
डिफेन्डर: दिक्षा रायमाझी, सम्झना चन्द, अलिजा कुमारी विक, ज्ञान्शु डोल्मा लो, पुर्णिमा ताडी, अनु माझी, मिन माया श्रेष्ठ र अंशु विक ।
मिडफिल्डर: डिकी स्यान्गो तामाङ, कृतिशा तामाङ, रबिना विक, सहारा विक, बबिता कार्की, भूमिका बुढाथोकी, आशिका कार्की र सिर्जना बडुवाल ।
फरवार्ड: अस्मिता मगर, यम कुमारी विक, अनिता राना मागर र दिक्षा रनपाल ।