जापानी प्रधानमन्त्रीसँग बुलेट ट्रेनको यात्रामा मोदी

सेतोमसी
भाद्र १४, २०८२ शनिवार

जापानी प्रधानमन्त्रीसँग बुलेट ट्रेनको यात्रामा मोदी

अ +
अ
अ -

काठमाडौँ । जापान भ्रमणमा रहेका भारतीय प्रधानमन्त्री मोदी उन्नत बुलेट ट्रेनमा यात्रा गरेका छन् । मोदीले जापानका प्रधानमन्त्री शिगेरु इशिबासँग रेल यात्रा गर्दै मियागी प्रान्तको सेन्दाई पुगेका थिए ।

यस क्रममा मोदीले भारतीय रेल चालकहरूलाई पनि भेटे । जापानको पूर्वी रेलवेले उनीहरूलाई तालिम दिइरहेको छ । उनीहरूले भारतमा चल्ने बुलेट ट्रेनहरू चलाउने तालिम लिइरहेका छन् ।

मोदीले शुक्रबार १५औं भारत-जापान शिखर सम्मेलनमा भाग लिएका थिए । यस क्रममा दुई देशबीच १५० सम्झौतामा हस्ताक्षर भएको थियो ।

जापानपछि मोदी दुई दिने भ्रमणमा चीन जानेछन् । आइतबार उनी एससीओ शिखर सम्मेलनमा भाग लिनेछन् । यसबाहेक मोदीले चिनियाँ राष्ट्रपति जिनपिङ र रुसी राष्ट्रपति पुटिनलाई भेट्ने बताइएको छ ।