विद्यालय शिक्षा विधेयक

शिक्षा विधेयक सच्चाउन माग गर्दै स्कुल बस र्याली

सेतोमसी
भाद्र १६, २०८२ सोमवार

शिक्षा विधेयक सच्चाउन माग गर्दै स्कुल बस र्याली

अ +
अ
अ -

बुटवल । विद्यालय शिक्षा विधेयकको विरोधमा निजी विद्यालय सञ्चालकहरूले सोमबार देशभर स्कुल बसमा कालो झण्डा झुण्ड्याएर र्याली निकालेका छन । उनीहरूले ‘पूर्ण छात्रवृत्ति’ र ‘ निजी विद्यालयलाई क्रमशः गैरनाफामूलक बनाउने’ भन्ने शब्द विधेयकबाट हटाउन माग गरे ।

विगत एक महिनादेखि आन्दोलनरत निजी विद्यालय सञ्चालकहरूको यसपटकको कार्यक्रमलाई प्याब्सन, नेशनल प्याब्सन, हिसान, अपेन, एनएमएलगायतका संगठनले संयुक्त रूपमा अघि बढाएका हुन् । रुपन्देहीमा पनि बसमा कालो झण्डा राखेर सडकमा विरोध प्रकट गरिएको छ ।

आन्दोलन परिचालन समिति रुपन्देहीका सदस्य तथा हिसान रुपन्देहीका अध्यक्ष कृष्णबहादुर न्यौपानेका अनुसार माग पूरा नभएसम्म संघर्षका कार्यक्रम रोकिँदैनन् । उनले विवादित शब्द हटाउन सरकारलाई दबाब दिइरहेको बताए । त्यस्तै, एन प्याब्सन रुपन्देहीका अध्यक्ष बाबुराम बन्जाडेले सरकारले शिक्षा विधेयक सच्याउन नसके आन्दोलनलाई थप कडा रूप दिनुपर्ने चेतावनी दिए ।