अल्बानियाको अदालतमा सुनुवाइको क्रममा न्यायाधीशको गोली हानी हत्या

काठमाडौँ । अल्बानियाको राजधानी तिरानामा अदालतको सुनुवाइको क्रममा गोली हानी एक न्यायाधीशको हत्या गरिएको छ ।

मिडिया रिपोर्टका अनुसार गोली लागेपछि न्यायाधीश एस्ट्रिट कालाहालाई अस्पताल लैजाँदै गर्दा बाटोमै मृत्यु भएको हो ।

सम्पत्ति विवादसँग सम्बन्धित सुनुवाइमा उपस्थित एक बुबा र छोरा पनि गोली हानी घाइते भएका छन्, तर उनीहरूको अवस्था खतरामुक्त रहेको बताइएको छ ।

प्रहरीले ३० वर्षीय संदिग्धलाई पक्राउ गरेको छ । स्थानीय मिडियाले उनको नाम एल्विस शेम्बी रहेको रिपोर्ट गरेको छ ।

अल्बानियाका प्रधानमन्त्री एडी रामाले न्यायाधीशको मृत्युमा शोक व्यक्त गर्दै गोली हान्ने व्यक्तिविरुद्ध कडा कानुनी कारबाही गर्ने बताएका छन् ।

# अल्बानिया

अल्बानियामा भ्रष्टाचार रोक्न मन्त्री बनाइएको 'एआई डिएला' बनाउने माथिनै भ्रष्टाचारको आरोप

सेतोमसीमा प्रकाशित कुनै पनि सामग्रीहरू छापा, विद्युतीय वा अन्य कुनै पनि माध्यमबाट प्रकाशन वा प्रशारण गर्नुअघि अनुमति लिनुहुन अनुरोध छ ।

ताजा अपडेट