राजकीय बुद्ध विहारमा ‘कथिन चिवर दान’ उत्सव

सेतोमसी
कार्तिक १४, २०८२ शुक्रवार

राजकीय बुद्ध विहारमा ‘कथिन चिवर दान’ उत्सव

अ +
अ
अ -

लुम्बिनी। बुद्धजन्मस्थल लुम्बिनीस्थित राजकीय बुद्ध विहारमा ‘कथिन चिवर दान’ उत्सव भएको छ ।

भिक्षुहरूको विनय अनुसार असार पूर्णिमादेखि आश्विन पूर्णिमासम्म तीन महिनासम्म वर्षाबास बसेका उपासक उपासी तथा दाताबाट भिक्षुलाई नयाँ चिवर उपहार स्वरुप प्रदान गरेर कथिन चिवरदान उत्सव गरिएको हो ।

चिवरदान कार्यक्रममा लुम्बिनी प्रदेशका पूर्व मुख्यमन्त्री डिल्ली बहादुर चौधरीले गुम्बा तथा विहारहरुले स्थानीयलाई समेटेर अघि वढ्नु पर्ने बताए । उनले राजकिय विहार आफैँमा इतिहास भएकाले यसको संरक्षण गर्ने दायित्व सबैको भएको बताए ।

‘कथिन चिवर दान’ उत्सवमा विभिन्न बौद्ध विहारका प्रमुख, भिक्षु भिक्षुणी, उपासक, उपासिका, लुम्बिनी विकास कोष, बौद्ध महिला र युवा समिति सहित सरोकारवालाहरुको उपस्थिति थियो ।