मुख्यमन्त्री शैक्षिक सुधार कार्यक्रमका लागि देवदहका १२ विद्यालय छानिए

सेतोमसी
माघ २८, २०७८ शुक्रवार

मुख्यमन्त्री शैक्षिक सुधार कार्यक्रमका लागि देवदहका १२ विद्यालय छानिए

फाइल फोटो

अ +
अ
अ -

देवदह । लुम्बिनी प्रदेशमा रहेका आधारभूत विद्यालय र बाल विकास केन्द्रहरुको भौतिक अवस्था तथा वातावरणीय पक्षमा सुधार गर्ने उद्देश्य राखेर सुरु गरिएको मुख्यमन्त्री शैक्षिक सुधार कार्यक्रमका लागि देवदहका १२ विद्यालय छानिएका छन् ।

मुख्यमन्त्री शैक्षिक सुधार कार्यक्रम - २०७८ अन्तर्गत देवदह नगरपालिकाका १२ विद्यालय सिफारिस गरिएको मुख्यमन्त्री शैक्षिक सुधार कार्यक्रमका सदस्य मोतिलाल ढकालले बताए । आधारभुत र जिर्ण आर्थिक अवस्था रहेका विद्यालयलाई राहत दिने कार्यक्रमको उद्देश्य अनुरुप देवदहका १२ विद्यालय छनौट गरि सिफारिस गरिएको ढकालको भनाइ छ ।

सो कार्यक्रमका लागि देवदहका जनता मा.वि., जनता आधारभुत विद्यालय (आ.वि.) , पेटबनिया आ.वि., शकुन्धारादेवी आ.वि., मदरसा स्लामिया, साइबाबा विद्यापिठ, कोटही आ.वि., शंकर आ.वि., सन्दिप आ.वि., व्यास आ.वि., कालिका आ.वि., र लक्ष्मी आ.वि. छनौट भएका हुन् ।

बिहिबार देवदह नगरप्रमुख हिरा बहादुर खत्रीको अध्यक्षतामा बसेको बैठकले विद्यालय छनौट गरि सिफारिस गरेको हो । बैठकमा कार्यक्रमका जिल्ला समन्वयकर्ता विष्णु ढकाल, देवदह नगर उपप्रमुख विद्यालक्ष्मी गुरुङ, प्रमुख प्रशासकिय अधिकृत, शिक्षा अधिकृत तथा कार्यक्रमका सदस्य मोतिलाल ढकाल र सीता पोखरेल लगायतको उपस्थिति रहेको थियो ।