खेल

ग्रीजम्यानको अमेरिकी क्लब ओर्लान्डो सिटीमा दुई बर्षको सम्झौता

एजेन्सी
चैत्र ११, २०८२ बुधवार

ग्रीजम्यानको अमेरिकी क्लब ओर्लान्डो सिटीमा दुई बर्षको सम्झौता

अ +
अ
अ -

काठमाडौँ । फ्रान्सका चर्चित फुटबल खेलाडी एन्टोनी ग्रीजम्यानले अमेरिकी क्लब ओर्लान्डो सिटीमा दुई बर्षको सम्झौता गरेका छन् ।

ग्रीजम्यान एट्लेटिको म्याड्रिड छोडेर जुलाईदेखि ओर्लान्डो सिटीमा आवद्ध हुने भएका छन् । उनले ओर्लान्डो सिटीमा दुई वर्षको सम्झौता गरेका छन् र थप एक वर्ष नविकरणको विकल्प पनि रहको बताइएको छ ।

३५ बर्षिय ग्रीजम्यान यस सिजनको अन्त्यसम्म एट्लेटिकोमै रहनेछन् । यस अवधिमा टोलीले युरोपियन च्याम्पियन्स लिगको क्वाटरफाइनलमा बार्सिलोनाविरुद्ध खेल्नेछ भने कोपा डेल रे फाइनलमा रियल सोसिडाडसँग प्रतिस्पर्धा गर्नेछ ।

सन् २०१८ मा विश्वकप जितेको फ्रान्स टोलीका सदस्य रहेका ग्रीजम्यानले सन् २०२४ मा अन्तर्राष्ट्रिय फुटबलबाट सन्यास लिएका थिए । उनी एट्लेटिको म्याड्रिडका सर्वाधिक गोलकर्ता हुन्, जहाँ उनले हालसम्म २१० गोल गरेका छन् ।

एट्लेटिकोसँगको सम्झौता सन् २०२७ सम्म रहेको भए पनि उनले अमेरिकी लिग खेल्ने निर्णय गरेका छन् ।

२०१४ देखि एट्लेटिकोमा खेलिरहेका ग्रीजम्यान बीचमा दुई बर्ष बार्सिलोनामा गएपनि बार्सिलोनामा सुखद क्यारियर नभएपछि उनी पुन: एट्लेटिकोमा फर्किएका थिए ।