माओवादी दलित समुदायको मित्र हो : पुर्ब सांसद पहाडी

सेतोमसी
चैत्र १९, २०७८ शनिवार

माओवादी दलित समुदायको मित्र हो : पुर्ब सांसद पहाडी

अ +
अ
अ -

बुटवल । पुर्ब सांसद तथा नेकपा माओवादी केन्द्रका नेता विनोद पहाडीले माओवादी दलित समुदायको मित्र भएको बताएका छन् । शनिबार सैनामैनामा आयोजित दलित मुक्ति मोर्चाको सभालाई सम्बोधन गर्दै पहाडीले माओवादी आन्दोलनले दलित समुदायको जीवनमा आमूल परिवर्तन ल्याएको बताए ।

मुलुकमा माओवादी नेतृत्वको जनयुद्ध नभएको भए राज्यमा दलित सभागिता शून्य हुने बताउँदै पहाडीले माओवादी कै बलले संविधानमा दलितका सवाल सम्बोधन भएको कुरा बताए । आगामी निर्वाचनतर्फ इंगित गर्दै उनले दलित समुदायले आफ्नो मित्रशक्ति माओवादीका उम्मेदवारलाई मतदान गर्नुपर्नेमा जोड दिए ।

सोही कार्यक्रममा बोल्दै लुम्बिनी प्रदेश सभा सदस्य दिपा बिकले दलित र महिला हकका कुरा संविधानमा भए पनि राज्य र अन्य राजनीतिक दलले बेवास्ता गरेको उल्लेख गर्दै संविधानमा लेखिएका अधिकार कार्यान्वयनका लागि माओवादीले जित्नुपर्ने बताइन् ।