देवदह मूर्तिकला कार्याशाला, जहाँ सर्जकले बुद्ध सम्झिए

सेतोमसी
चैत्र १९, २०७८ शनिवार

देवदह मूर्तिकला कार्याशाला, जहाँ सर्जकले बुद्ध सम्झिए

अ +
अ
अ -

देवदह । छेउमै रहेको बडेमानको पत्थरमा मुर्तिकारले बुद्धको प्राण भर्दैछन् । छिनोले ढुंगालाई स्पर्शगर्दा आईरहेको टिकटिक-टिकटिक आवाज कुनै विख्यात संगीतकारको संगीत भन्दा कम छैन । र, कम छैनन् देवदहका सर्जकहरू पनि, जसले घोडाहा खोलाको किनारलाई बुद्धमय बनाए ।

आसन ग्रहणको लम्बेतान उद्घोष चलेन, सम्बोधनमा छेड र कपटको अलिकति पनि गंध आएन । बरू सर्जकहरू सिधै विषय प्रवेश गरेर धमाधम आ-आफ्ना रचना बाचन गरे । प्रशंग हो, देवदहमा जारी दोस्रो देवदह राष्ट्रिय मूर्तिकला कार्याशालामा साहित्य कार्यक्रमको ।

कार्यक्रममा १२ जना साहित्यकारले रचना बाचन गरे । रचना मार्फत उनीहरूले शान्ति र समृद्धिको सपनाको कुरा गरे । 'भ्रष्टहरूको साम्राज्य' प्रति व्यंग गर्दै उनीहरूले सुशासन र सदाचारको चाहना व्यक्त गरे ।

कार्यक्रममा सर्जकहरू राहुल देव सापकोटा, यज्ञ न्यौपाने, दामोदर सापकोटा, निर्मल एस पि मगर, राजु पुताकोटी, चित्रबहादुर सुनार, मैना आचार्य, सुशील सापकोटा, यम शर्मा, सुनिता राना, कुशल श्रेष्ठ, विष्णु विवश पोखरेल लगायतले गीत, कविता, गजल र मुक्तक मार्फत जारी प्रस्तरकला कार्यशालाको प्रशंसा समेत गरेका थिए ।