संसद

प्रतिनिधिसभामा बोल्न दलहरुलाई तोकियो समय, को कसले गर्दैछन् सम्बोधन ?

सेतोमसी
चैत्र १९, २०८२ बिहिवार

प्रतिनिधिसभामा बोल्न दलहरुलाई तोकियो समय, को कसले गर्दैछन् सम्बोधन ?

अ +
अ
अ -

काठमाडौं । प्रतिनिधिसभा बैठकको आज बस्ने बैठकमा दलका नेताहरुले सम्बोधन गर्ने कार्यसूची रहेको छ ।

दिउँसो २ बजेदेखि शुरु हुने बैठकमा संघीय संसद् सचिवालयले दलका नेताहरुले सम्बोधन गर्ने समय दलीय आधारमा निर्धारण गरेको जनाएको छ ।

संघीय संसद सचिवालयका अनुसार राष्ट्रिय स्वतन्त्र पार्टी (रास्वपा) लाई २५ मिनेटको समय तोकिएको छ भने दोस्रो ठूलो दल नेपाली कांग्रेसलाई १० मिनेट समय तोकिएको छ ।

त्यस्तै नेकपा एमालेलाई आठ मिनेट, नेपाली कम्युनिस्ट पार्टी (नेकपा), श्रम संस्कृति पार्टी र राष्ट्रिय प्रजातन्त्र पार्टी (राप्रपा) लाई ७-७ मिनेट समय तय गरिएको छ । त्यस्तै स्वतन्त्र सांसदलाई पाँच मिनेटको समय तोकिएको छ ।

बैठकमा रास्वपाका सभापति रवि लामिछाने, कांग्रेसका तर्फबाट सांसद भीष्मराज आङ्देम्बे, एमालेका कार्यवाहक अध्यक्ष एवं संसदीय दलका नेता रामबहादुर थापा, नेकपाबाट बर्षामान पुन, श्रम संस्कृतिका अध्यक्ष हर्क साम्पाङ, राप्रपा संसदीय दलका नेता ज्ञानेन्द्र शाहीले सम्बोधन गर्ने बताइएको छ । त्यस्तै स्वतन्त्र सांसद महावीर पुनले पनि बैठकमा सम्बोधन गर्ने भएका छन् ।