समाचार

अमेरिकी सहायक विदेशमन्त्री कपुरको नेपाल भ्रमण सम्पन्न

सेतोमसी
बैशाख ९, २०८३ बुधवार

अमेरिकी सहायक विदेशमन्त्री कपुरको नेपाल भ्रमण सम्पन्न

अ +
अ
अ -

काठमाडौँ । अमेरिकाको मध्य तथा दक्षिण एसियाली मामिलासम्बन्धी सहायक विदेशमन्त्री समीर पाउल कपुरले नेपाल भ्रमण सम्पन्न गरेका छन् । भ्रमणका क्रममा उनले उच्चस्तरीय भेटघाट गर्दै नेपाल-अमेरिका साझेदारी थप सुदृढ बनाउने विषयमा छलफल गरेका छन् ।

कपुरले राष्ट्रिय स्वतन्त्र पार्टीका सभापति रवि लामिछाने, परराष्ट्रमन्त्री शिशिर खनाल र अर्थमन्त्री डा. स्वर्णिम वाग्लेसँग भेट गर्दै द्विपक्षीय सम्बन्ध विस्तार र व्यापारिक सहकार्य बढाउने विषयमा विचार आदान-प्रदान गरेका हुन् ।

भेटका क्रममा उनले आगामी ‘सेलेक्ट यूएसए लगानी सम्मेलन’ मा सहभागी हुने नेपाली टोलीसँग अमेरिकी लगानीका अवसरबारे जानकारी साझा गरेका थिए । साथै, नेपालमा विस्तार हुँदै गएको प्रविधि क्षेत्रलाई केन्द्रमा राख्दै अमेरिकी र नेपाली निजी क्षेत्रबीच सहकार्यका सम्भावना खोज्ने प्रयास पनि गरिएको जनाइएको छ ।