काठमाडौं । मतगणनाका क्रममा विवाद भएपछि चितवनको भरतपुरका केही क्षेत्रमा वि.सं. २०७४ सालको स्थानीय तह निर्वाचनमा पुनः मतदान गर्नुपरेको थियो। जसका कारण निर्वाचन आयोगले यो पटक मतगणना स्थलमा रहेका दलका प्रतिनिधिहरूलाई मतगणना टोलीले नै मतपत्र देखाउनुपर्ने तर छुन वा समाउन नदिने व्यवस्था निर्वाचन निर्देशिकाले गरेको छ।
"निर्वाचन अधिकृत वा निजले खटाएको गणक कर्मचारीले मतगणना गर्दा उम्मेदवार वा निजको निर्वाचन प्रतिनिधि वा मतगणना प्रतिनिधिलाई मतपत्र देखाउनुपर्नेछ। त्यस्तो मतपत्र कुनै पनि अवस्थामा निजलाई समाउन वा छुन दिनु हुँदैन," निर्देशिकामा भनिएको छ।
आयोगले यस पटक मतगणना स्थलमा सीसीटीभी क्यामरा र तारजालीको समेत व्यवस्था गरेको छ।
"जब निर्वाचन अधिकृतको कार्यालयमा मतपेटिका सङ्कलन भइसक्छन्, तत्कालै राजनीतिक सहमति कायम गरेर मतगणना कार्य प्रारम्भ गर्ने व्यवस्था मिलाइएको छ," प्रमुख आयुक्त थपलियाले भने।
प्रमुख निर्वाचन आयुक्त दिनेशकुमार थपलियाले बीबीसीसँग कुराकानीमा मतगणनाको नतिजा पाँच दिनभित्रै प्रकाशित भइसक्ने बताएको बिबिसी नेपाली सेवाले जनाएको छ।
यसअघिको स्थानीय तह निर्वाचनमा काठमाण्डू महानगरपालिकाको मतगणना सम्पन्न गर्न दुई सातासम्म लागेको थियो।
अघिल्लो स्थानीय तह निर्वाचनमा काठमाण्डू महानगरपालिकामा २८ जनाले मेयर पदमा उम्मेदवारी दिएका थिए।
यस पटकको निर्वाचनमा यो महानगरमा मेयरका उम्मेदवार मात्रै ५४ जना छन्।
जम्मा ३५,२२१ पदका लागि हुने स्थानीय तह निर्वाचनमा १,४५,०११ उम्मेदवार प्रतिस्पर्धामा छन्।
तीमध्ये ३९० जना निर्विरोध निर्वाचित भइसकेको आयोगले जनाएको छ।
.gif)
सेतोमसी मिडिया नेटवर्क प्रा. लि.
देवदह-७, रुपन्देही, लुम्बिनी प्रदेश, नेपाल
फोन नं. : +977-71-577088
मोबाइल नं. : +977-9857029586, +977-9857057732
इ-मेल : setomasimedia@gmail.com
सूचना तथा प्रसारण विभाग दर्ता नं : २२४८/०७७-७८
सम्पादक : विष्णु प्रसाद पोखरेल
कार्यकारी सम्पादक : पूर्णप्रसाद पौडेल (पवन पौडेल)
Copyright © All right reserved to setomasi.com
Site By: SobizTrend Technology