एलपीजी ग्यास अभाव

एलपीजी ग्यास लुकाएर बिक्री गर्नेलाई कडा कारबाही गर्ने विभागको चेतावनी

सेतोमसी
श्रावण २२, २०८३ शुक्रवार

एलपीजी ग्यास लुकाएर बिक्री गर्नेलाई कडा कारबाही गर्ने विभागको चेतावनी

अ +
अ
अ -

काठमाडौँ । वाणिज्य, आपूर्ति तथा उपभोक्ता संरक्षण विभागले खाना पकाउने एलपीजी ग्यास सहज रूपमा नपाएको, विक्रेता तथा डिपोले ग्यास लुकाएर आफू निकटका व्यक्ति, होटल तथा व्यवसायीलाई मात्र बिक्री गरेको र तोकिएको मूल्यभन्दा बढी रकम लिएको गुनासोप्रति गम्भीर ध्यानाकर्षण भएको जनाएको छ ।

विभागले ग्यासजस्तो अत्यावश्यक वस्तु तोकिएको मूल्यमा सहज रूपमा पाउनु उपभोक्ताको अधिकार भएको जनाएको छ । ग्यास लुकाउने, कृत्रिम अभाव सिर्जना गर्ने, कालोबजारी गर्ने वा तोकिएको मूल्यभन्दा बढीमा बिक्री गर्ने विक्रेता तथा डिपोमाथि प्रचलित कानुनअनुसार कडा कारबाही गरिने चेतावनी दिएको छ ।

यस्तो गैरकानुनी कार्य भएको थाहा पाएमा वा आफू ठगिएको महसुस भएमा नजिकको प्रहरी कार्यालय, जिल्ला प्रशासन कार्यालय वा विभागको निःशुल्क दूरभाष नम्बर ११३७ मा जानकारी गराउन विभागले उपभोक्तालाई आग्रह गरेको छ ।

विभागले ७.१ किलोग्रामको सट्टा १४.२ किलोग्रामको एलपीजी ग्यास वितरण गर्दा केही समय देखिएको वितरणसम्बन्धी समस्या चाँडै समाधान हुने भन्दै उपभोक्तालाई नआत्तिन पनि आग्रह गरेको छ ।